ഇന്ത്യയുടെ വളർച്ച ഒരു കുടുംബത്തിൻ്റേത് മാത്രമല്ല; ഗാന്ധി കുടുംബത്തിനെ വിമർശിച്ച് പ്രധാനമന്ത്രി

ഡല്‍ഹി: ലഖ്നൗവില്‍ ഡോ. ശ്യാമപ്രസാദ് മുഖര്‍ജി, പണ്ഡിറ്റ് ദീന്‍ദയാല്‍ ഉപാധ്യായ, മുന്‍ പ്രധാനമന്ത്രി അടല്‍ ബിഹാരി വാജ്പേയി എന്നിവരുടെ പ്രതിമകള്‍ ഉദ്ഘാടനം ചെയ്ത് പ്രധാനമന്ത്രി നരേന്ദ്ര മോദി.

ഇന്ത്യയുടെ വികസനം ഒരു കുടുംബത്തിന് മാത്രം അവകാശപ്പെട്ടതല്ലെന്നും മറ്റ് നേതാക്കളെ അവര്‍ അംഗീകരിക്കുന്നില്ലെന്നും ഗാന്ധി കുടുംബത്തിനെതിരെ പരോക്ഷമായ ആക്രമണത്തില്‍ പ്രധാനമന്ത്രി പറഞ്ഞു.

കോണ്‍ഗ്രസ് കാലഘട്ടത്തില്‍ മുതിര്‍ന്ന ബിജെപി നേതാക്കളെ ബഹുമാനിച്ചിരുന്നില്ല എന്ന് പ്രധാനമന്ത്രി മോദി ചൂണ്ടിക്കാട്ടി. ബിജെപിയെയും കോണ്‍ഗ്രസിനെയും താരതമ്യം ചെയ്തുകൊണ്ട്, മുന്‍ രാഷ്ട്രപതി പ്രണബ് മുഖര്‍ജി, മുന്‍ പ്രധാനമന്ത്രി പിവി നരസിംഹ റാവു തുടങ്ങി ഡോ. ബിആര്‍ അംബേദ്കര്‍, സര്‍ദാര്‍ വല്ലഭായ് പട്ടേല്‍ എന്നിവരെ വരെ പാര്‍ട്ടി ബഹുമാനിക്കുകയും ആദരിക്കുകയും ചെയ്യുന്നുവെന്ന് അദ്ദേഹം പറഞ്ഞു.

അടല്‍ ബിഹാരി വാജ്പേയിയുടെയും മദന്‍ മോഹന്‍ മാളവ്യയുടെയും ജന്മവാര്‍ഷികങ്ങള്‍ ആഘോഷിക്കവേ, 'രാജ്യത്തെ രണ്ട് മഹാന്മാരായ പ്രതിഭകളുടെ ജന്മവാര്‍ഷികങ്ങളുടെ ശ്രദ്ധേയമായ യാദൃശ്ചികത കൂടി വരുന്ന ദിവസമാണ് ഡിസംബര്‍ 25' എന്ന് പ്രധാനമന്ത്രി മോദി പറഞ്ഞു.