ഡല്‍ഹിയില്‍ 11,000 കോടി രൂപ ചെലവില്‍ നിര്‍മ്മിച്ച രണ്ട് പ്രധാന ഹൈവേ പദ്ധതികള്‍ ഉദ്ഘാടനം ചെയ്ത് പ്രധാനമന്ത്രി

ഡല്‍ഹി: ഡല്‍ഹിയില്‍ ഏകദേശം 11,000 കോടി രൂപ ചെലവില്‍ നിര്‍മ്മിച്ച രണ്ട് പ്രധാന ഹൈവേ പദ്ധതികള്‍ ഉദ്ഘാടനം ചെയ്ത് പ്രധാനമന്ത്രി നരേന്ദ്ര മോദി.

ഏറെ പ്രതീക്ഷയോടെ കാത്തിരുന്ന ഹൈവേകളുടെ ഉദ്ഘാടനത്തിന് മുമ്പ്, പ്രധാനമന്ത്രി ഡല്‍ഹിയിലെ രോഹിണിയില്‍ ഒരു മെഗാ റോഡ്‌ഷോ നടത്തുകയും രണ്ട് പദ്ധതികളും സ്ഥലത്തുവെച്ച് തന്നെ അവലോകനം ചെയ്യുകയും ചെയ്തു.

 ദ്വാരക എക്‌സ്പ്രസ് വേയുടെ ഡല്‍ഹി വിഭാഗവും അര്‍ബന്‍ എക്സ്റ്റന്‍ഷന്‍ റോഡ്-II  ന്റെ ഒരു ഭാഗവും തലസ്ഥാനത്തെ തിരക്ക് കുറയ്ക്കുന്നതിനും ദേശീയ തലസ്ഥാന മേഖലയിലെ യാത്ര വേഗത്തിലാക്കുന്നതിനുമുള്ള കേന്ദ്ര സര്‍ക്കാരിന്റെ ശ്രമത്തിന്റെ ഭാഗമാണ്.

'ജീവിതം സുഗമമാക്കുന്നതും സുഗമമായ ഗതാഗതം ഉറപ്പാക്കുന്നതുമായ ലോകോത്തര അടിസ്ഥാന സൗകര്യങ്ങള്‍ സൃഷ്ടിക്കുക എന്ന പ്രധാനമന്ത്രി മോദിയുടെ ദര്‍ശനത്തെയാണ് ഈ സംരംഭങ്ങള്‍ പ്രതിഫലിപ്പിക്കുന്നത്,' പ്രധാനമന്ത്രിയുടെ ഓഫീസ് ഒരു ഔദ്യോഗിക പ്രസ്താവനയില്‍ പറഞ്ഞു.

കേന്ദ്രമന്ത്രി നിതിന്‍ ഗഡ്കരി, ഡല്‍ഹി മുഖ്യമന്ത്രി രേഖ ഗുപ്ത, ഹരിയാന മുഖ്യമന്ത്രി നയാബ് സിംഗ് സൈനി, മറ്റ് ബിജെപി നേതാക്കള്‍ എന്നിവര്‍ പരിപാടിയില്‍ പങ്കെടുത്തു.