കുറ്റവാളികളും അഴിമതിക്കാരും ജയിലിലാണ് കിടക്കേണ്ടത്: കൊൽക്കത്ത റാലിയിൽ പ്രധാനമന്ത്രി

ഡല്‍ഹി: ഗുരുതരമായ കുറ്റങ്ങള്‍ ചുമത്തി അറസ്റ്റ് ചെയ്യപ്പെട്ട ഉന്നത പദവികള്‍ വഹിക്കുന്ന നേതാക്കളെ നീക്കം ചെയ്യുന്നതിനായി കൊണ്ടുവന്ന പുതിയ നിയമനിര്‍മ്മാണത്തെ എതിര്‍ത്ത തൃണമൂല്‍ കോണ്‍ഗ്രസിനെതിരെ പ്രധാനമന്ത്രി നരേന്ദ്ര മോദി.

അത്തരം മന്ത്രിമാര്‍ അധികാരത്തിലല്ല, ജയിലിലായിരിക്കണം എന്ന് അദ്ദേഹം പറഞ്ഞു. അടുത്ത വര്‍ഷത്തെ തിരഞ്ഞെടുപ്പില്‍ ബിജെപിയെ തിരഞ്ഞെടുത്ത് മാറ്റം കൊണ്ടുവരണമെന്ന് അദ്ദേഹം സംസ്ഥാനത്തെ ജനങ്ങളോട് അഭ്യര്‍ത്ഥിച്ചു. 

'ഒരു പ്രധാനമന്ത്രിയോ മുഖ്യമന്ത്രിയോ മന്ത്രിയോ ജയിലിലായാല്‍ അവരെ പിരിച്ചുവിടാന്‍ നിയമപരമായി ഒരു വ്യവസ്ഥയുമില്ല.

ജയിലിനുള്ളില്‍ നിന്ന് സര്‍ക്കാരുകള്‍ നടത്തുന്ന ആളുകള്‍ എത്ര നാണമില്ലാത്തവരാണെന്ന് നോക്കൂ. അധ്യാപക നിയമന അഴിമതിയില്‍ ഒരു ടിഎംസി മന്ത്രി ഇപ്പോഴും ജയിലിലാണ്. എന്നിട്ടും മന്ത്രി തന്റെ സ്ഥാനം ഉപേക്ഷിക്കാന്‍ തയ്യാറായില്ല,' പ്രധാനമന്ത്രി മോദി പറഞ്ഞു.