അയോധ്യയിലെ രാമക്ഷേത്രത്തിൽ ധ്വജാരോഹണ ചടങ്ങിൽ കാവി പതാക ഉയർത്തി പ്രധാനമന്ത്രി മോദിയും മോഹൻ ഭാഗവതും

ഡല്‍ഹി: പ്രധാനമന്ത്രി നരേന്ദ്ര മോദിയും ആര്‍എസ്എസ് മേധാവി മോഹന്‍ ഭാഗവതും രാമക്ഷേത്രത്തിലെ 'ശിഖറില്‍' കാവി പതാക ഉയര്‍ത്തി.  യുപി മുഖ്യമന്ത്രി യോഗി ആദിയനാഥും ചടങ്ങില്‍ പങ്കെടുത്തു. 

മാര്‍ഗശീര്‍ഷ മാസത്തിലെ ശുക്ലപക്ഷത്തിലെ പഞ്ചമിയോട് അനുബന്ധിച്ചാണ് ചടങ്ങ് നടന്നത്, ഇത് ശ്രീരാമന്റെയും സീതാദേവിയുടെയും വിവാഹ പഞ്ചമിയുടെ അഭിജിത് മുഹൂര്‍ത്തവുമായി ഒത്തുചേരുന്നു. 

പതിനേഴാം നൂറ്റാണ്ടില്‍ അയോധ്യയില്‍ 48 മണിക്കൂര്‍ ധ്യാനത്തിലിരുന്ന ഒമ്പതാമത്തെ സിഖ് ഗുരുവായ ഗുരു തേജ് ബഹാദൂര്‍ ജിയുടെ രക്തസാക്ഷിത്വ ദിനം കൂടിയായതിനാല്‍ ദിവസത്തിന്റെ ആത്മീയ പ്രാധാന്യം വര്‍ദ്ധിക്കുന്നു.

രാമക്ഷേത്ര സന്ദര്‍ശനത്തിന് മുന്നോടിയായി മഹര്‍ഷി വസിഷ്ഠ, മഹര്‍ഷി വിശ്വാമിത്രന്‍, മഹര്‍ഷി അഗസ്ത്യ, മഹര്‍ഷി വാല്‍മീകി, ദേവി അഹല്യ, നിഷാദ്രാജ് ഗുഹ, മാതാ ശബരി എന്നിവരുടെ ക്ഷേത്രങ്ങളുള്ള സപ്തമന്ദിറും പ്രധാനമന്ത്രി സന്ദര്‍ശിച്ചു.

ശ്രീരാമജന്മഭൂമി മന്ദിറിന്റെ ശിഖരത്തിന് മുകളില്‍ മോദിയും ഭഗവതും കാവി പതാക ഉയര്‍ത്തി, ഇത് ക്ഷേത്രത്തിന്റെ നിര്‍മ്മാണ പൂര്‍ത്തീകരണത്തെയും സാംസ്‌കാരിക ആഘോഷത്തിന്റെയും ദേശീയ ഐക്യത്തിന്റെയും ഒരു പുതിയ അധ്യായത്തിന് തുടക്കമിട്ടു. 

ഭഗവാന്‍ ശ്രീരാമന്റെ തിളക്കത്തെയും വീര്യത്തെയും പ്രതീകപ്പെടുത്തുന്ന സൂര്യനും, രാമരാജ്യ ആദര്‍ശങ്ങളെയും രാജ്യത്തിന്റെ ഐക്യത്തെയും പ്രതിനിധീകരിക്കുന്ന 'ഓം' ചിഹ്നവും പതാകയില്‍ കാണാം.