'മോഹന്‍ ഭഗവതിനെയും കേസില്‍ കുടുക്കാന്‍ ഗൂഢാലോചന നടന്നിരുന്നു'. മലേഗാവ് സ്ഫോടന കേസില്‍ കോടതിയില്‍ വെളിപ്പെടുത്തലുമായി എ.ടി.എസില്‍ അംഗമായിരുന്ന ഉദ്യോഗസ്ഥന്‍

വ്യാഴാഴ്ചത്തെ വിധിയില്‍ സന്തോഷം പ്രകടിപ്പിച്ചുകൊണ്ട് മെഹബൂബ് മുജാവര്‍, ഈ കേസിലെ മുഴുവന്‍ അന്വേഷണവും വ്യാജമായിരുന്നുവെന്ന് പറയുന്നു.

author-image
ന്യൂസ് ബ്യൂറോ, മുംബൈ
Updated On
New Update
Untitledtrsign

മുംബൈ: മലേഗാവ് കേസുമായി യാതൊരു ബന്ധവുമില്ലാത്ത ചില ജോലികള്‍ ചെയ്യാന്‍ തന്നോട് ആവശ്യപ്പെട്ടിരുന്നു എന്ന വെളിപ്പെടുത്തലുമായി കേസ് അന്വേഷിച്ച എ.ടി.എസ് സംഘത്തിലെ അംഗമായിരുന്ന മുതിര്‍ന്ന പോലീസ് ഉദ്യോഗസ്ഥന്‍ മെഹബൂബ് മുജാവര്‍. എന്‍.ഐ.എ കോടതിയിലാണ് ഇ്‌ദ്ദേഹത്തിന്റെ വെളിപ്പെടുത്തല്‍. 


Advertisment

അന്ന് രാഷ്ട്രീയ സ്വയംസേവക സംഘത്തിന്റെ പുതിയ സര്‍സംഘചാലക് ആയി മാറിയ മോഹന്‍ ഭഗവതിനെ അറസ്റ്റ് ചെയ്യുക എന്നതായിരുന്നു ലഭിച്ച നിര്‍ദേശമെന്നും അദ്ദേഹം വെളിപ്പെടുത്തി. കോടതിയുടെ തീരുമാനത്തിന്റെ വിശദമായ പകര്‍പ്പ് പുറത്തുവരുമ്പോള്‍ മാത്രമേ, അദ്ദേഹത്തിന്റെ അവകാശവാദങ്ങളില്‍ കോടതി എന്ത് അഭിപ്രായമാണ് പറഞ്ഞതെന്ന് അറിയാന്‍ കഴിയൂ.


വ്യാഴാഴ്ചത്തെ വിധിയില്‍ സന്തോഷം പ്രകടിപ്പിച്ചുകൊണ്ട് മെഹബൂബ് മുജാവര്‍, ഈ കേസിലെ മുഴുവന്‍ അന്വേഷണവും വ്യാജമായിരുന്നുവെന്ന് പറയുന്നു.

സോളാപൂരില്‍ ചില ധീരമായ പ്രവര്‍ത്തനങ്ങള്‍ക്ക് നേതൃത്വം നല്‍കിയതിനാലാണ്, മലേഗാവ് സ്ഫോടന കേസ് അന്വേഷിച്ചിരുന്ന 10 അംഗ എ.ടി.എസ് സംഘത്തില്‍ 'കവറിംഗ് പാര്‍ട്ടി'യായി തന്നെ ഉള്‍പ്പെടുത്തിയതെന്ന് അദ്ദേഹം പറഞ്ഞു. മലേഗാവ് സ്ഫോടനം നടന്നു, പക്ഷേ അന്വേഷണം തെറ്റായ ദിശയിലേക്ക് തിരിച്ചുവിട്ടു എന്നാണ് അദ്ദേഹം പറയുന്നത്.

എ.ടി.എസ് അന്വേഷിച്ചുവന്നതായി നടിച്ച, പിടികിട്ടാപ്പുള്ളികളെന്ന് നടിച്ച രണ്ട് പ്രതികളായ രാംജി കല്‍സാംഗ്രയെയും സന്ദീപ് ഡാംഗെയെയും പോലീസ്  കൊലപ്പെടുത്തിയിരുന്നുവെന്ന് അദ്ദേഹം കോടതിയില്‍ പറഞ്ഞു. ഇതിനുപുറമെ, ഈ കേസില്‍ ഒരിക്കലും പ്രതിയാക്കപ്പെട്ടിട്ടില്ലാത്ത ദിലീപ് പട്ടീദാര്‍ എന്ന മൂന്നാമത്തെ വ്യക്തിയെയും പോലീസ് കൊലപ്പെടുത്തി.


രാംജി കല്‍സംഗ്രയ്ക്കും സന്ദീപ് ഡാങ്കെയ്ക്കും പകരം സാധ്വി പ്രജ്ഞാ സിങ് താക്കൂറിനെയും ഇപ്പോള്‍ വിരമിച്ച ലെഫ്റ്റനന്റ് കേണല്‍ പ്രസാദ് പുരോഹിതിനെയും പ്രതിചേര്‍ത്ത് വ്യാജ അന്വേഷണം ആരംഭിച്ചതായി മുജാവര്‍ പറയുന്നു.


എ.ടി.എസിന്റെ അന്നത്തെ ഡെപ്യൂട്ടി ചീഫ് പരം ബിര്‍ സിങ്ങിനെ ചൂണ്ടിക്കാണിച്ചുകൊണ്ട്, ഒരു 'തെറ്റായ വ്യക്തി' നടത്തിയ 'തെറ്റായ അന്വേഷണത്തിന്റെ' ഫലം ഇന്ന് പുറത്തുവന്നിരിക്കുന്നുവെന്ന് അദ്ദേഹം പറയുന്നു.

ഈ സാഹചര്യത്തില്‍, ആര്‍എസ്എസ് മേധാവി മോഹന്‍ ഭഗവതിനെ അറസ്റ്റ് ചെയ്യാന്‍ തന്റെ ഉദ്യോഗസ്ഥര്‍ ഉത്തരവിട്ടതായി മുജാവര്‍ പറയുന്നു. അദ്ദേഹം വിസമ്മതിച്ചപ്പോള്‍, അദ്ദേഹത്തെ സസ്പെന്‍ഡ് ചെയ്യുകയും ചില കള്ളക്കേസുകളില്‍ കുടുക്കുകയും ചെയ്തു.

തന്റെ കേസിന്റെ അന്വേഷണ വേളയില്‍, മലേഗാവ് കേസില്‍ നടക്കുന്ന വ്യാജ അന്വേഷണത്തിന്റെ രേഖകള്‍ എന്‍ഐഎ കോടതിയില്‍ സമര്‍പ്പിച്ചിരുന്നുവെന്നും ഇപ്പോള്‍ തന്റെ രേഖകളെക്കുറിച്ചുള്ള കോടതിയുടെ അഭിപ്രായത്തിനായി കാത്തിരിക്കുകയാണെന്നും അദ്ദേഹം പറഞ്ഞു.

Advertisment