ഇത് ഇന്ത്യയുടെ സമയമാണ്. നമുക്ക് ധാരാളം കഴിവുകളുണ്ട്. വ്യവസായികളെ മധ്യപ്രദേശിലേക്ക് ക്ഷണിച്ച് മുഖ്യമന്ത്രി മോഹൻ യാദവ്

ഹൈദരാബാദ്: മധ്യപ്രദേശിന് വളരെയധികം സാധ്യതകളുണ്ടെന്നും വിവിധ മേഖലകള്‍ക്ക് ധാരാളം അവസരങ്ങള്‍ നല്‍കാന്‍ സംസ്ഥാനത്തിന് കഴിയുമെന്നും മുഖ്യമന്ത്രി മോഹന്‍ യാദവ്.

ഹൈദരാബാദിലെ ലീല ഹോട്ടലില്‍ 'മധ്യപ്രദേശിലെ നിക്ഷേപ അവസരങ്ങള്‍' എന്ന സെഷനില്‍ ദക്ഷിണേന്ത്യയിലെ വിവിധ വ്യവസായികളുമായി സംവദിക്കുന്നതിനിടെയാണ് അദ്ദേഹം ഈ പരാമര്‍ശം നടത്തിയത്.  

തന്റെ പ്രസംഗത്തില്‍, യാദവ് നിലവിലെ കാലഘട്ടത്തില്‍ രാജ്യത്തിന്റെ വളര്‍ച്ചയെ പ്രശംസിച്ചു, 'ഇത് ഇന്ത്യയുടെ സമയമാണ്' എന്ന് എടുത്തുപറഞ്ഞു.

ലോകത്തിലെ പല രാജ്യങ്ങളും ദുഷ്‌കരമായ ഘട്ടത്തിലൂടെ കടന്നുപോകുന്നുണ്ടെന്ന് ചൂണ്ടിക്കാട്ടിയ മുഖ്യമന്ത്രി, ഇന്ത്യ അതിവേഗം പുരോഗമിക്കുകയാണെന്ന് പറഞ്ഞു.

ഹൈദരാബാദ് നഗരത്തെയും അദ്ദേഹം പ്രശംസിച്ചു. രാഷ്ട്രീയ അജണ്ടയില്ലാതെ ഒരു മുഖ്യമന്ത്രി മറ്റൊരു സംസ്ഥാനം സന്ദര്‍ശിക്കുകയും വ്യവസായികളെയും ബിസിനസുകാരെയും വ്യക്തിപരമായി തന്റെ സംസ്ഥാനത്തേക്ക് ക്ഷണിക്കുകയും പരസ്പര ബന്ധം ശക്തിപ്പെടുത്തുകയും ചെയ്യുന്നത് അപൂര്‍വമാണെന്നും അദ്ദേഹം പറഞ്ഞു.