ഏഷ്യാ കപ്പ് ട്രോഫി വിവാദത്തിനിടയിൽ ബിസിസിഐയോട് ക്ഷമ ചോദിച്ച് മൊഹ്‌സിൻ നഖ്‌വി, ഇന്ന് ലാഹോറിലേക്ക് പോകും

ദുബായ്: എസിസി മേധാവിയും പാകിസ്ഥാന്‍ ക്രിക്കറ്റ് ബോര്‍ഡ് (പിസിബി) ചെയര്‍മാനുമായ മൊഹ്സിന്‍ നഖ്വി ബിസിസിഐയോട് ക്ഷമാപണം നടത്തി.

നഖ്വി ഇന്ന് ലാഹോറിലേക്ക് പോകുന്നുണ്ടെന്നും സൂചനയുണ്ട്. എന്നാല്‍ ഇന്ത്യന്‍ കളിക്കാരുടെ ട്രോഫിയും മെഡലുകളും തിരികെ നല്‍കാന്‍ വിസമ്മതിച്ച നഖ്വി തന്റെ നിലപാട് മാറ്റിയിട്ടില്ല. 

ഇന്ത്യന്‍ ക്യാപ്റ്റന്‍ സൂര്യകുമാര്‍ യാദവിനോട് ദുബായില്‍ വന്ന് ട്രോഫി വാങ്ങാന്‍ അദ്ദേഹം ആവശ്യപ്പെടുന്നുണ്ടെന്ന് വൃത്തങ്ങള്‍ അറിയിച്ചു.  

'നിങ്ങള്‍ അദ്ദേഹത്തിന്റെ മുന്നില്‍ ഉണ്ടായിരുന്നപ്പോള്‍ അദ്ദേഹം ട്രോഫി വാങ്ങിയില്ല, ഇപ്പോള്‍ അദ്ദേഹം വരുമെന്ന് നിങ്ങള്‍ കരുതുന്നുണ്ടോ?' എന്ന് ബിസിസിഐ നഖ്വിയോട് ചോദിച്ചു.

ബിസിസിഐയുടെ രാജീവ് ശുക്ലയും ആശിഷ് ഷെലാറും എസിസി യോഗത്തില്‍ പങ്കെടുത്തു.