ഹിമാചലില്‍ വന്‍ നാശത്തിന് കാരണമായി കനത്ത മഴയും മണ്ണിടിച്ചിലുകളും. ഇതുവരെ 409 പേര്‍ മരിച്ചു, ഉണ്ടായത് 4500 കോടി രൂപയുടെ നാശനഷ്ടം

ഷിംല: ഹിമാചല്‍ പ്രദേശില്‍ 2025 ജൂണ്‍ 20 മുതല്‍ മഴയുമായി ബന്ധപ്പെട്ട ദുരന്തങ്ങളിലും റോഡപകടങ്ങളിലും 409 പേര്‍ക്ക് ജീവന്‍ നഷ്ടപ്പെട്ടതായി സംസ്ഥാന ദുരന്ത നിവാരണ അതോറിറ്റി (എസ്ഡിഎംഎ) സ്ഥിരീകരിച്ചു.

റവന്യൂ വകുപ്പിന്റെ ദുരന്തനിവാരണ സെല്‍ പുറത്തിറക്കിയ റിപ്പോര്‍ട്ട് പ്രകാരം, മണ്ണിടിച്ചില്‍, വെള്ളപ്പൊക്കം, മേഘസ്‌ഫോടനം, മുങ്ങിമരണം, വൈദ്യുതാഘാതം, വീട് തകരല്‍ തുടങ്ങിയ മഴയുമായി ബന്ധപ്പെട്ട സംഭവങ്ങളുമായി നേരിട്ട് ബന്ധപ്പെട്ടത് 229 മരണങ്ങളാണ്.

കൂടാതെ, തുടര്‍ച്ചയായ മഴയില്‍ റോഡുകള്‍ വഴുക്കലിലും, മണ്ണിടിച്ചിലിലും, ദൃശ്യപരത കുറവായതിനാലും ഉണ്ടായ വാഹനാപകടങ്ങളില്‍ 180 പേര്‍ മരിച്ചു.

വിവിധ ജില്ലകളിലായി 473 പേര്‍ക്ക് പരിക്കേറ്റതായും 41 പേരെ കാണാതായതായും ദുരന്ത നിവാരണ അതോറിറ്റി റിപ്പോര്‍ട്ട് ചെയ്തു. 2,100-ലധികം മൃഗങ്ങള്‍ കൊല്ലപ്പെട്ടു, 26,955 കോഴികളെയും നഷ്ടപ്പെട്ടു.