മോന്ത ചുഴലിക്കാറ്റ്: ആന്ധ്രാപ്രദേശിൽ 'റെഡ് അലേർട്ട്' പ്രഖ്യാപിച്ചു, ഉദ്യോഗസ്ഥരെ സജ്ജരാക്കി ഒഡീഷ സർക്കാർ

വിശാഖപട്ടണം: ബംഗാള്‍ ഉള്‍ക്കടലില്‍ രൂപം കൊണ്ട മോന്ത ചുഴലിക്കാറ്റ് ശക്തി പ്രാപിക്കുന്നതിനാല്‍ ആന്ധ്രാപ്രദേശിലെ നിരവധി തീരദേശ ജില്ലകളില്‍ ഇന്ത്യന്‍ കാലാവസ്ഥാ വകുപ്പ് റെഡ് അലേര്‍ട്ട് പുറപ്പെടുവിച്ചിട്ടുണ്ട്. 

കാറ്റ് വടക്ക്-വടക്കുപടിഞ്ഞാറന്‍ ദിശയിലേക്ക് നീങ്ങുകയാണെങ്കില്‍, ഒക്ടോബര്‍ 28 വൈകുന്നേരമോ രാത്രിയോ കാക്കിനടയ്ക്കടുത്തുള്ള മച്ചിലിപട്ടണത്തിനും കലിംഗപട്ടണത്തിനും ഇടയില്‍ കൊടുങ്കാറ്റ് കരയില്‍ എത്തുമെന്ന് പ്രതീക്ഷിക്കുന്നു.

ഐഎംഡിയുടെ അപ്ഡേറ്റുകള്‍ പ്രകാരം, നിലവില്‍ മണിക്കൂറില്‍ 90-100 കിലോമീറ്റര്‍ വേഗതയില്‍ കാറ്റ് വീശാന്‍ സാധ്യതയുണ്ട്. മണിക്കൂറില്‍ 110 കിലോമീറ്റര്‍ വരെ വേഗതയില്‍ കാറ്റ് വീശും.

ആന്ധ്രയുടെ തീരദേശ ഭാഗങ്ങളില്‍ കനത്തതോ വളരെ ശക്തമായതോ ആയ മഴയ്ക്ക് സാധ്യതയുണ്ടെന്നും ഒറ്റപ്പെട്ട പ്രദേശങ്ങളില്‍ അതിശക്തമായ മഴ പെയ്യുമെന്നും കാലാവസ്ഥാ നിരീക്ഷകര്‍ മുന്നറിയിപ്പ് നല്‍കുന്നു.

ബംഗാള്‍ ഉള്‍ക്കടലിന്റെ മധ്യ, തെക്കന്‍ ഭാഗങ്ങളും ആന്‍ഡമാന്‍ കടലിന്റെ ചില ഭാഗങ്ങളും താഴ്ന്നതും ഇടത്തരവുമായ മേഘങ്ങളുടെ കൂട്ടങ്ങളാല്‍ മൂടപ്പെട്ടിരിക്കുന്നതായും ഇത് തീവ്രമായ സംവഹനത്തിനും ഇടിമിന്നലിനും കാരണമാകുന്നതായും ഐഎംഡിയുടെ നിരീക്ഷണങ്ങള്‍ കാണിക്കുന്നു.