ഈറോഡ് എംപിയും എംഡിഎംകെ നേതാവുമായ ഗണേശമൂര്‍ത്തി ആശുപത്രിയില്‍; നില ഗുരുതരം; സ്ഥാനാര്‍ത്ഥിയാക്കാത്തതിനാല്‍ ജീവനൊടുക്കാന്‍ ശ്രമിച്ചതെന്ന് അഭ്യൂഹം

ചെന്നൈ: ഈറോഡ് എംപി ഗണേശമൂര്‍ത്തിയെ ആശുപത്രിയില്‍ പ്രവേശിപ്പിച്ചു. നില ഗുരുതരമാണെന്നാണ് സൂചന.  ഞായറാഴ്ച രാവിലെ 9:30 ഓടെ ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്നാണ് ആശുപത്രിയില്‍ പ്രവേശിപ്പിച്ചതെന്നാണ് ആദ്യം വന്ന റിപ്പോര്‍ട്ട്. എന്നാല്‍ പാര്‍ലമെന്റ് തിരഞ്ഞെടുപ്പില്‍ സീറ്റ് ലഭിക്കാത്തതിനാല്‍ ആത്മഹത്യയ്ക്ക് ശ്രമിച്ചതാണെന്നും അഭ്യൂഹമുണ്ട്. എന്നാല്‍ ആശുപത്രി അധികൃതര്‍ ഇക്കാര്യത്തില്‍ പ്രതികരണത്തിന് തയ്യാറായില്ല.

ഈറോഡിൽ നിന്നുള്ള സിറ്റിംഗ് ലോക്‌സഭാ എംപിയാണ് ഗണേശമൂർത്തി. അദ്ദേഹം എംഡിഎംകെ പാർട്ടി അംഗമാണ്, എന്നാൽ 2019 ലോക്സഭാ തിരഞ്ഞെടുപ്പിൽ ഡിഎംകെ സഖ്യത്തില്‍ മത്സരിച്ചാണ് വിജയിച്ചത്. കഴിഞ്ഞ ഒരാഴ്ചയായി ഗണേശമൂർത്തി കടുത്ത മാനസിക സംഘർഷം അനുഭവിച്ചിരുന്നെന്നാണ് വീട്ടുകാർ പറയുന്നത്.