ഗില്ലന്‍ ബാരി സിന്‍ഡ്രോം മറ്റു സംസ്ഥാനങ്ങളിലേക്ക് പടരുന്നു. രോ​ഗം ബാധിച്ച് മരിച്ചവരുടെ എണ്ണം അഞ്ചായി

മുംബൈ:  ഗില്ലന്‍ ബാരി സിന്‍ഡ്രോം (ജിബിഎസ്) മറ്റു സംസ്ഥാനങ്ങളിലേക്ക് പടരുന്നതായി റിപ്പോർട്ട്. ജിബിഎസ് ബാധിച്ച് നാലു സംസ്ഥാനങ്ങളിലായി അഞ്ചുപേരാണ് മരിച്ചത്. 

അസാമിൽ ജിബിഎസ് രോ​ഗം ബാധിച്ച് പന്ത്രണ്ടാം ക്ലാസ് വിദ്യർത്ഥി കൂടി മരണത്തിനു കീഴടങ്ങിയതോടെ രാജ്യത്ത് രോ​ഗം ബാധിച്ച് മരിച്ചവരുടെ എണ്ണം അഞ്ചായി.   

മഹാരാഷ്ട്രയിലെ പൂനെയില്‍ രോഗം ബാധിച്ച് നാലുപേര്‍ മരിച്ചു. പൂനെയില്‍ രോഗം ബാധിച്ച 140 പേരില്‍ 18 പേര്‍ വെന്റിലേറ്ററിലാണ്.

മഹാരാഷ്ട്രയിലെ നാന്ദേഡ്ഗാവ്, സിംഹഗഡ് റോഡ്, നാന്ദേഡ് സിറ്റി, ഖഡക്വാസ്‌ല, ധയാരി എന്നിവിടങ്ങളിലെ ക്ലസ്റ്ററുകളിലാണ് ജിബിഎസ് കേസുകള്‍ ആദ്യം റിപ്പോര്‍ട്ട് ചെയ്യപ്പെട്ടത്. 

ഇപ്പോള്‍, തേര്‍ഗാവ്, മുന്ധ്വ, മാവല്‍, ഖേഡ്, ചിഖാലി, പിംപിള്‍ ഗുരവ്, വാഗോളി, ധങ്കാവ്ഡി, തലേഗാവ്, ചക്കന്‍, പിംപ്രി, കൊത്രൂഡ്, റാവെറ്റ്, മോഷി എന്നിവിടങ്ങളിലും സംശയാസ്പദമായ കേസുകള്‍ ഉയര്‍ന്നുവന്നിട്ടുണ്ടെന്ന് ആരോഗ്യവകുപ്പ് വ്യക്തമാക്കി. 

ഈ മേഖലയില്‍ 127 കേസുകള്‍ ജിബിഎസ് ആണെന്ന് സ്ഥിരീകരിച്ചിട്ടുണ്ട്.