/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/03/20/HTyQPQsm1Ypa5Tmc70j7.jpg)
മുംബൈ: നാഗ്പൂര്‍ അക്രമത്തില്‍ പുതിയ വെളിപ്പെടുത്തലുകള്‍ തുടര്‍ച്ചയായി പുറത്തുവരുന്നു. അക്രമക്കേസില്‍ ഇതുവരെ 50-ലധികം പേരെ പോലീസ് പ്രതികളാക്കി അറസ്റ്റ് ചെയ്തിട്ടുണ്ട്.
പത്ത് പ്രതികള്‍ക്കായി തിരച്ചില്‍ തുടരുകയാണ്. ഇതിനുപുറമെ, 140-ലധികം പ്രകോപനപരമായ സോഷ്യല്‍ മീഡിയ പോസ്റ്റുകളും വീഡിയോകളും സൈബര്‍ സെല്‍ കണ്ടെത്തിയിട്ടുണ്ട്.
നാഗ്പൂര്‍ അക്രമത്തിന്റെ മുഖ്യസൂത്രധാരനെന്ന് പറയപ്പെടുന്ന ഫഹീം ഖാന്‍ നിലവില്‍ പോലീസ് കസ്റ്റഡിയിലാണ്. ഫഹീം ഖാന്‍, പോലീസിനെ ആക്രമിക്കാന്‍ 500-600 പേരെ പ്രേരിപ്പിച്ചതായി ആരോപിക്കപ്പെടുന്നു. നാഗ്പൂരില്‍ അക്രമത്തിന് കാരണക്കാരനായത് ഫഹീം ഖാന്‍ ആണെന്ന് പറയപ്പെടുന്നു.
നാഗ്പൂരിലെ ന്യൂനപക്ഷ ഡെമോക്രാറ്റിക് പാര്‍ട്ടിയുടെ പ്രസിഡന്റാണ് ഫാഹിം ഖാന്‍. ഫഹീം ഖാന്‍ ഉള്‍പ്പെടെ 51 പേര്‍ക്കെതിരെ പോലീസ് കേസെടുത്തു. 2024 ലെ ലോക്സഭാ തെരഞ്ഞെടുപ്പില്‍ നാഗ്പൂരില്‍ നിന്ന് നിതിന്‍ ഗഡ്കരിക്കെതിരെ ഫഹീം ഖാന്‍ മത്സരിച്ചെങ്കിലും കെട്ടിവച്ച പണം നഷ്ടപ്പെട്ടു.
ഫഹീമിനെതിരെ ഇതിനകം ആറ് കേസുകള്‍ രജിസ്റ്റര്‍ ചെയ്തിട്ടുണ്ട്. അറസ്റ്റ് ചെയ്ത ശേഷം പോലീസ് കോടതിയില്‍ ഹാജരാക്കി, മാര്‍ച്ച് 21 വരെ ജയിലിലേക്ക് അയച്ചു.
തിങ്കളാഴ്ച രാത്രി നാഗ്പൂരില്‍ ഒരു പ്രത്യേക സമുദായം നടത്തിയ അക്രമവുമായി ബന്ധപ്പെട്ട് ഇതുവരെ 5 എഫ്ഐആറുകള്‍ രജിസ്റ്റര്‍ ചെയ്തിട്ടുണ്ട്. അക്രമികളെ കണ്ടെത്താന്‍ 10 പോലീസ് സംഘങ്ങള്‍ തിരച്ചില്‍ നടത്തുന്നുണ്ട്.
കലാപകാരികള്‍ ശവക്കുഴിയില്‍ ഒളിച്ചിരിക്കുകയാണെങ്കിലും അവരെ അവിടെ നിന്ന് തോണ്ടി പുറത്തെടുക്കുമെന്ന് മുഖ്യമന്ത്രി ദേവേന്ദ്ര ഫഡ്നാവിസ് പറഞ്ഞു.
ആരെങ്കിലും ഔറംഗസീബിനെയോ മുഗളന്മാരെയോ മഹത്വപ്പെടുത്താന്‍ ശ്രമിച്ചാല്‍ അവര്‍ക്കെതിരെ കര്‍ശന നടപടിയെടുക്കുമെന്ന് അദ്ദേഹം മുന്നറിയിപ്പ് നല്‍കി.