ഇവിഎമ്മുകളെ ചോദ്യം ചെയ്തവര്‍ തെരഞ്ഞെടുപ്പ് ഫലത്തിന് ശേഷം നിശബ്ദരായി; ഇന്ത്യാ മുന്നണിയെ പരിഹസിച്ച് മോദി

ഡല്‍ഹി: 2024ലെ ലോക്സഭാ തിരഞ്ഞെടുപ്പ് ഫലം പുറത്തുവന്നതോടെ ജനാധിപത്യത്തിന്റെ ശക്തി കാരണം പ്രതിപക്ഷ നേതാക്കള്‍ നിശബ്ദരാക്കിയിരിക്കുകയാണെന്ന് നരേന്ദ്രമോദി. ഇലക്ട്രോണിക് വോട്ടിംഗ് മെഷീനുകളുടെ വിശ്വാസ്യതയെക്കുറിച്ചുള്ള ആരോപണങ്ങളെയും മോദി പരിഹസിച്ചു.

തന്നെ ലോക്‌സഭാ നേതാവായി തിരഞ്ഞെടുത്ത എന്‍ഡിഎ എംപിമാരുടെ യോഗത്തെ അഭിസംബോധന ചെയ്തുകൊണ്ട് സംസാരിക്കുകയായിരുന്നു നരേന്ദ്ര മോദി. ഇവിഎമ്മുകളും ആധാറും പോലുള്ള സാങ്കേതിക മുന്നേറ്റങ്ങളെ ചോദ്യം ചെയ്യുന്ന ഇന്ത്യാ മുന്നണിയിലെ ആളുകള്‍ മുന്‍ നൂറ്റാണ്ടില്‍ നിന്നുള്ളവരാണെന്ന് എനിക്ക് തോന്നുന്നു.

ഇവിഎമ്മുകളെയും തിരഞ്ഞെടുപ്പ് കമ്മീഷനെയും ചോദ്യം ചെയ്യുന്നവരെ തെരഞ്ഞെടുപ്പ് ഫലത്തിന് ശേഷം നിശബ്ദരാക്കിയത് ഇന്ത്യയുടെ ജനാധിപത്യത്തിന്റെ ശക്തിയാണെന്നും അദ്ദേഹം പറഞ്ഞു.