കുപ്‌വാരയിൽ നുഴഞ്ഞു കയറ്റശ്രമം, ഏറ്റുമുട്ടല്‍; സുരക്ഷ ശക്തമാക്കി സേന

ജമ്മു, പഞ്ചാബ് അതിര്‍ത്തിയോട് ചേര്‍ന്നുള്ള സാംബ കേന്ദ്രീകരിച്ചാകും ബിഎസ്എഫിന്‍റെ അധിക യൂണിറ്റിനെ വിന്യസിക്കുക. കടുത്ത മൂടല്‍മഞ്ഞ് മറയാക്കിയാണ് നിയന്ത്രണ രേഖയിൽ നുഴഞ്ഞുകയറ്റ ശ്രമം നടക്കുന്നത്. വരുംദിവസങ്ങളിലും നിയന്ത്രണരേഖയില്‍ പാക് പ്രകോപനം തുടരുമെന്നാണ് സേനയുടെ വിലയിരുത്തല്‍.

ഇന്നലെ നടന്ന ഏറ്റുമുട്ടലിൽ ഒരു സൈനികൻ കൊല്ലപ്പെട്ടിരുന്നു. നാല് സൈനികർക്ക് പരിക്കേല്‍ക്കുകയുമുണ്ടായി. ഒരു ഭീകരനെ വധിച്ചതായും പാക് ബോർഡർ ആക്ഷൻ ടീമിന്‍റെ ആക്രമണം പരാജയപ്പെടുത്തിയതായും ഇന്ത്യൻ സേന അറിയിച്ചു. നിയന്ത്രണ രേഖക്ക് സമീപം മാചൽ സെക്ടറിലായിരുന്നു ആക്രണം.