"ഹിന്ദുക്കളില്ലെങ്കിൽ ലോകം തന്നെ ഇല്ലാതാകും"; ഇന്ത്യൻ നാഗരികത അനശ്വരമെന്ന് ആർഎസ്എസ് മേധാവി മോഹൻ ഭഗവത്

മണിപ്പൂർ: മണിപ്പൂർ സന്ദർശന വേളയിൽ ആർഎസ്എസ് മേധാവി മോഹൻ ഭഗവത് നടത്തിയ പ്രസ്താവന ചർച്ചയാകുന്നു. ഹിന്ദുക്കളില്ലെങ്കിൽ ലോകം തന്നെ ഇല്ലാതാകുമെന്നായിരുന്നു മോഹൻ ഭഗവതിൻ്റെ പ്രസ്താവന. ലോകത്തെ നിലനിർത്തുന്നതിൽ ഹിന്ദു സമൂഹം നിർണായക പങ്ക് വഹിക്കുന്നുണ്ടെന്നും മോഹൻ ഭഗവത് പറഞ്ഞു.

ത്രിദിന മണിപ്പൂർ സന്ദർശനത്തിനിടെയാണ് ആർഎസ്എസ് മേധാവിയുടെ പരാമർശം. യുനാൻ (ഗ്രീസ്), മിസ്ർ (ഈജിപ്ത്), റോം തുടങ്ങിയ സാമ്രാജ്യങ്ങളെ ഇന്ത്യ അതിജീവിച്ചിട്ടുണ്ടെന്നും ഹിന്ദു സമൂഹം അമർത്യമാണെന്നും മോഹൻ ഭഗവത് കൂട്ടിച്ചേർത്തു.