ഭുവനേശ്വർ: ഒഡീഷയിലെ എല്ലാ ജില്ലകളുടെയും പേര് കടലാസ് നോക്കാതെ പറയാൻ കഴിയുമോ എന്ന് മുഖ്യമന്ത്രി നവീൻ പട്നായിക്കിനെ വെല്ലുവിളിച്ച് പ്രധാനമന്ത്രി നരേന്ദ്ര മോദി.
ഒഡീഷയിലെ കണ്ഡമാലിൽ തെരഞ്ഞെടുപ്പ് പ്രചാരണ യോഗത്തിൽ പ്രസംഗിക്കുകയായിരുന്നു അദ്ദേഹം. നവീൻ പട്നായിക് ദീർഘകാലമായി ഒഡീഷ മുഖ്യമന്ത്രിയാണല്ലോ. ഞാൻ അദ്ദേഹത്തിനു മുന്നിൽ ഒരു ചാലഞ്ച് വയ്ക്കുന്നു.
കടലാസിന്റെ സഹായമില്ലാതെ ഒഡീഷയിലെ എല്ലാ ജില്ലകളുടെയും അവയുടെ തലസ്ഥാനങ്ങളുടെയും പേരു പറയാൻ അദ്ദേഹത്തിനു കഴിയുമോ.
താൻ ഭരിക്കുന്ന സംസ്ഥാനത്തെ ജില്ലകളുടെ പേരു പറയാൻ അദ്ദേഹത്തിന് സാധിക്കില്ലെങ്കിൽ ജനങ്ങളുടെ വേദനകൾ അദ്ദേഹം എങ്ങനെ മനസിലാക്കുമെന്നും മോദി ചോദിച്ചു.