ഛത്തീസ്ഗഢിൽ ഏറ്റുമുട്ടലിൽ മുതിർന്ന നേതാവ് ഉൾപ്പെടെ 10 നക്സലുകൾ കൊല്ലപ്പെട്ടു

ഡല്‍ഹി: ഛത്തീസ്ഗഡിലെ ഗരിയബന്ദ് ജില്ലയില്‍ 10 നക്‌സലുകള്‍ വെടിയേറ്റ് മരിച്ചു. കൊല്ലപ്പെട്ടവരില്‍ മോഡം ബാലകൃഷ്ണ എന്നറിയപ്പെടുന്ന സി.സി അംഗം മനോജും ഉള്‍പ്പെടുന്നു. ഇയാളുടെ തലയ്ക്ക് ഒരു കോടി രൂപ ഇനാം പ്രഖ്യാപിച്ചിരുന്നു.

മെയിന്‍പൂര്‍ വനമേഖലയില്‍ നക്‌സല്‍ സാന്നിധ്യമുണ്ടെന്ന ഇന്റലിജന്‍സ് വിവരങ്ങളുടെ അടിസ്ഥാനത്തില്‍, മുതിര്‍ന്ന ഉദ്യോഗസ്ഥരുടെ നിര്‍ദ്ദേശപ്രകാരം ഇ-30, എസ്ടിഎഫ്, കോബ്ര എന്നിവയുടെ സംയുക്ത സംഘങ്ങള്‍ നക്‌സല്‍ വിരുദ്ധ ഓപ്പറേഷന്‍ ആരംഭിച്ചു. 

രാവിലെ മുതല്‍ സുരക്ഷാ സേനയും നക്‌സലുകളും തമ്മില്‍ ഇടയ്ക്കിടെ ഏറ്റുമുട്ടലുകള്‍ നടക്കുന്നുണ്ട്. വെടിവയ്പ്പില്‍ നിരവധി മുതിര്‍ന്ന നക്‌സലുകള്‍ കൊല്ലപ്പെട്ടിട്ടുണ്ടാകാമെന്നാണ് പ്രാഥമിക റിപ്പോര്‍ട്ടുകള്‍ സൂചിപ്പിക്കുന്നത്.