യാത്രക്കാരുടെ സുരക്ഷ മുൻനിർത്തി സ്റ്റേഷന് പുറത്ത് പുതിയ കാത്തിരിപ്പ് കേന്ദ്രം വരുന്നു. റെയിൽവേ ഭേദഗതി ബില്ല് രാജ്യസഭ പാസാക്കി

ന്യൂഡൽഹി: റെയിൽവേ ഭേദഗതി ബില്ല് രാജ്യസഭ പാസാക്കി. ഇടത് എംപിമാർ ഉന്നയിച്ച ഭേദഗതി തള്ളിക്കൊണ്ടാണ് ബില്ല് പാസാക്കിയിരിക്കുന്നത്.

തിരക്കേറിയ റെയിൽവേ സ്റ്റേഷനുകളിൽ യാത്രക്കാരുടെ സുരക്ഷ മുൻനിർത്തി സ്റ്റേഷന് പുറത്ത് പുതിയ കാത്തിരിപ്പ് കേന്ദ്രം തുറക്കാൻ ബില്ല് ശുപാർശ ചെയ്യുന്നു.

കാത്തിരിപ്പു കേന്ദ്രത്തിൽ നിന്ന് ട്രെയിൻ വരുന്നതിനു മുൻപ് മാത്രം യാത്രക്കാരെ സ്റ്റേഷനുകളുടെ അകത്തേക്ക് പ്രവേശിപ്പിക്കുന്നതാണ് പുതിയ രീതി. 

രാജ്യത്തെ തിരക്കേറിയ 60 റെയിൽവേ സ്റ്റേഷനുകളിലാണ് ഈ നിലയിൽ പുതിയ കാത്തിരിപ്പു കേന്ദ്രങ്ങൾ തുറക്കുന്നത്. 

ഡൽഹി, വാരാണസി, ആനന്ദ് വിഹാർ, അയോധ്യ, പാറ്റ്‌ന എന്നിവിടങ്ങളിലാണ് കാത്തിരിപ്പ് കേന്ദ്രങ്ങൾ തുറക്കാൻ പോകുന്നതെന്ന് റെയിൽവേ മന്ത്രി സഭയെ അറിയിച്ചു.