/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2026/01/21/nitin-nabin-2026-01-21-11-30-57.jpg)
ഡല്ഹി: ഭാരതീയ ജനതാ പാര്ട്ടിയുടെ 12-ാമത് ദേശീയ അധ്യക്ഷനായി ചുമതലയേറ്റെടുത്തതിന് പിന്നാലെ നിര്ണ്ണായക സംഘടനാ തീരുമാനങ്ങളുമായി നിതിന് നബിന്.
വരാനിരിക്കുന്ന നിയമസഭാ തിരഞ്ഞെടുപ്പിന് മുന്നോടിയായി കേരളത്തിന്റെ തിരഞ്ഞെടുപ്പ് ചുമതലയുള്ള ഇന്-ചാര്ജായി മുതിര്ന്ന നേതാവ് വിനോദ് താവ്ഡെയെ അദ്ദേഹം നിയമിച്ചു. കേന്ദ്രമന്ത്രി ശോഭ കരന്ദ്ലാജെയാണ് കേരളത്തിലെ കോ-ഇന്ചാര്ജ്.
കേരളം (നിയമസഭാ തിരഞ്ഞെടുപ്പ്): വിനോദ് താവ്ഡെ (ഇന്-ചാര്ജ്), ശോഭ കരന്ദ്ലാജെ (കോ-ഇന്ചാര്ജ്).
ബംഗളൂരു (കോര്പ്പറേഷന് തിരഞ്ഞെടുപ്പ്): രാം മാധവ് (ഇന്-ചാര്ജ്), സതീഷ് പൂനിയ, സഞ്ജയ് ഉപാധ്യായ (കോ-ഇന്ചാര്ജുമാര്).
ചണ്ഡീഗഡ് (മേയര് തിരഞ്ഞെടുപ്പ്): വിനോദ് താവ്ഡെയ്ക്ക് നിരീക്ഷകന്റെ അധിക ചുമതല.
തെലങ്കാന (മുന്സിപ്പല് തിരഞ്ഞെടുപ്പ്): ആശിഷ് ഷെലാര് (ഇന്-ചാര്ജ്).
ചൊവ്വാഴ്ച പ്രധാനമന്ത്രി നരേന്ദ്ര മോദിയുടെ സാന്നിധ്യത്തിലാണ് 45-കാരനായ നിതിന് നബിന് ഔദ്യോഗികമായി ചുമതലയേറ്റത്. ബിജെപിയുടെ ചരിത്രത്തിലെ ഏറ്റവും പ്രായം കുറഞ്ഞ അധ്യക്ഷനാണ് ഇദ്ദേഹം.
ബിഹാറില് നിന്നുള്ള അഞ്ച് തവണ എംഎല്എയും മുന് മന്ത്രിയുമായ നിതിന് നബിന്, ജെ.പി. നദ്ദയുടെ പിന്ഗാമിയായാണ് സ്ഥാനമേറ്റെടുത്തത്. പാര്ട്ടി കാര്യങ്ങളില് നിതിന് നബിന് തന്റെ 'ബോസ്' ആണെന്ന് പ്രധാനമന്ത്രി മോദി ചടങ്ങില് പറഞ്ഞിരുന്നു.
കേരളം ലക്ഷ്യം വെച്ച് ബിജെപി
കേരളത്തില് നിയമസഭാ തിരഞ്ഞെടുപ്പിനുള്ള ഒരുക്കങ്ങള് ബിജെപി നേരത്തെ തന്നെ ആരംഭിച്ചുവെന്നതിന്റെ സൂചനയാണ് വിനോദ് താവ്ഡെയുടെ നിയമനം.
സംഘടനാ വൈഭവത്തിന് പേര് കേട്ട താവ്ഡെയെ നിയോഗിക്കുന്നതിലൂടെ കേരളത്തില് വലിയ മുന്നേറ്റമാണ് പാര്ട്ടി ലക്ഷ്യമിടുന്നത്. ഇതിന് പുറമെ ബംഗളൂരു ഗ്രേറ്റര് കോര്പ്പറേഷന് തിരഞ്ഞെടുപ്പില് വിജയം ഉറപ്പിക്കാന് രാം മാധവിനെ തന്നെ രംഗത്തിറക്കാനും പുതിയ അധ്യക്ഷന് തീരുമാനിച്ചു.
തന്റെ ആദ്യ പ്രസംഗത്തില്, യുവാക്കള്ക്കും കഠിനാധ്വാനം ചെയ്യുന്ന പ്രവര്ത്തകര്ക്കും പാര്ട്ടിയില് വലിയ അവസരങ്ങള് ലഭിക്കുമെന്ന് നിതിന് നബിന് ഉറപ്പുനല്കി. വരും ദിവസങ്ങളില് കൂടുതല് സംഘടനാപരമായ മാറ്റങ്ങള് ബിജെപിയില് ഉണ്ടായേക്കും.