പഹല്‍ഗാം ഭീകരാക്രമണത്തിന് പിന്നാലെ പാക് പ്രധാനമന്ത്രി ഷെഹ്ബാസ് ഷെരീഫിന്റെ യൂട്യൂബ് ചാനലിന് ഇന്ത്യയില്‍ നിരോധനം ഏര്‍പ്പെടുത്തി കേന്ദ്രം

ഡല്‍ഹി: പഹല്‍ഗാം ഭീകരാക്രമണത്തിന് ശേഷം ഇസ്ലാമാബാദുമായുള്ള സംഘര്‍ഷം വര്‍ദ്ധിച്ചുവരുന്ന സാഹചര്യത്തില്‍, പാകിസ്ഥാന്‍ പ്രധാനമന്ത്രി ഷെഹ്ബാസ് ഷെരീഫിന്റെ യൂട്യൂബ് ചാനല്‍ ഇന്ത്യ തടഞ്ഞു.

പഹല്‍ഗാമില്‍ നടന്ന ഭീകരാക്രമണത്തില്‍ 26 പേര്‍ കൊല്ലപ്പെടുകയും നിരവധി പേര്‍ക്ക് പരിക്കേല്‍ക്കുകയും ചെയ്തതിനെത്തുടര്‍ന്ന് ഇരു രാജ്യങ്ങളും തമ്മിലുള്ള ബന്ധം കൂടുതല്‍ വഷളായി.

ഇന്ത്യയെക്കുറിച്ച് 'തെറ്റായതും പ്രകോപനപരവും വര്‍ഗീയമായി സെന്‍സിറ്റീവ് ആയതുമായ ഉള്ളടക്കം' പ്രചരിപ്പിച്ചതിന് കേന്ദ്രം നേരത്തെ 16 പാകിസ്ഥാന്‍ യൂട്യൂബ് ചാനലുകള്‍ തടഞ്ഞിരുന്നു.

പഹല്‍ഗാം സംഭവത്തെക്കുറിച്ചുള്ള ബിബിസിയുടെ റിപ്പോര്‍ട്ടിംഗിനെയും ഇന്ത്യ ശക്തമായി എതിര്‍ത്തു. തീവ്രവാദികളെ ആയുധധാരികളായി വിശേഷിപ്പിച്ച ബിബിസിയുടെ റിപ്പോര്‍ട്ടിംഗും കേന്ദ്രം നിരീക്ഷിക്കും.