പാക് സൈനിക മേധാവി അസിം മുനീര്‍ യുഎസ് പ്രസിഡന്റ് ഡൊണാള്‍ഡ് ട്രംപിനെ സന്ദര്‍ശിച്ചു, ഇന്ത്യ-പാക് സംഘര്‍ഷം അവസാനിപ്പിച്ചതിന് അസിം മുനീറിനെ പ്രശംസിച്ച് ട്രംപ്. ഒരു യുഎസ് പ്രസിഡന്റ് പാക് സൈനിക മേധാവിയോടൊപ്പം ഉച്ചഭക്ഷണം കഴിക്കുന്നത് ഇതാദ്യം

വാഷിംഗ്ടണ്‍: അമേരിക്ക സന്ദര്‍ശനത്തിനെത്തിയ പാകിസ്ഥാന്‍ ആര്‍മി ചീഫ് അസിം മുനീര്‍ യുഎസ് പ്രസിഡന്റ് ഡൊണാള്‍ഡ് ട്രംപുമായി കൂടിക്കാഴ്ച നടത്തി.

ബുധനാഴ്ച വൈറ്റ് ഹൗസില്‍ ഉച്ചഭക്ഷണ യോഗത്തിനായി പാകിസ്ഥാന്‍ ആര്‍മി ചീഫ് അസിം മുനീറിനെ ക്ഷണിച്ചത് ട്രംപാണ്. ഇന്ത്യയും പാകിസ്ഥാനും തമ്മിലുള്ള സംഘര്‍ഷം രൂക്ഷമാകുന്നത് തടഞ്ഞതിന് അദ്ദേഹം അസിം മുനീറിനെ പ്രശംസിച്ചു 

ഇന്ത്യയുമായുള്ള യുദ്ധം നിര്‍ത്തിവച്ചതിനും അത് അവസാനിപ്പിച്ചതിനും പാകിസ്ഥാന്‍ ആര്‍മി ചീഫിന് നന്ദി പറയാന്‍ വേണ്ടിയാണ് താന്‍ മുനീറിനെ വിളിച്ചതെന്ന് ട്രംപ് ഉച്ചഭക്ഷണ യോഗത്തില്‍ പറഞ്ഞു.

ഇതാദ്യമായാണ് ഒരു യുഎസ് പ്രസിഡന്റ് പാകിസ്ഥാന്‍ സൈനിക മേധാവിയുമായി ഉച്ചഭക്ഷണ കൂടിക്കാഴ്ച നടത്തുന്നത്. രാജ്യത്തിന്റെ ദേശീയ സുരക്ഷാ നയങ്ങളില്‍ മുനീറിന് സ്വാധീനമുണ്ടെന്ന് പരക്കെ വിശ്വസിക്കപ്പെടുന്നു.

ഇസ്രായേലും ഇറാനും തമ്മിലുള്ള വര്‍ദ്ധിച്ചുവരുന്ന സംഘര്‍ഷങ്ങള്‍ക്കിടയിലാണ് ഇത് സംഭവിക്കുന്നത്.