പഞ്ചാബിലെ അന്താരാഷ്ട്ര അതിർത്തിയിൽ പാക് വെടിവയ്പ്പ്; ശക്തമായി തിരിച്ചടിച്ച് ബിഎസ്എഫ്

ഡല്‍ഹി: പഞ്ചാബിലെ അന്താരാഷ്ട്ര അതിര്‍ത്തിയിലെ ചില സ്ഥലങ്ങളില്‍ പാകിസ്ഥാനില്‍ നിന്ന് വെടിവയ്പ്പ് ഉണ്ടായതായി അതിര്‍ത്തി സുരക്ഷാ സേന (ബിഎസ്എഫ്) അറിയിച്ചു.

ഇതിന് ബിഎസ്എഫ് ശക്തമായി തിരിച്ചടിച്ചു. വെടിവയ്പ്പില്‍ ആര്‍ക്കും പരിക്കേറ്റിട്ടില്ല.

വെള്ളിയാഴ്ചയും ശനിയാഴ്ചയും ഇടയിലുള്ള രാത്രിയില്‍ പാകിസ്ഥാനുമായുള്ള അന്താരാഷ്ട്ര അതിര്‍ത്തിയിലും നിയന്ത്രണ രേഖയിലും 26 സ്ഥലങ്ങളില്‍ ഡ്രോണുകള്‍ കണ്ടെത്തിയെന്നത് ശ്രദ്ധേയമാണ്.