'സ്പോൺസർ ചെയ്യുന്ന ഭീകരത നിർത്തണം"; പാകിസ്ഥാന് ഇന്ത്യൻ കരസേനാ മേധാവിയുടെ മുന്നറിയിപ്പ്

ന്യൂഡൽഹി:  രാജ്യം സ്പോൺസർ ചെയ്യുന്ന ഭീകരവാദം പാകിസ്ഥാൻ നിർത്തണമെന്ന് ഇന്ത്യൻ കരസേനാ മേധാവി ജനറൽ ഉപേന്ദ്ര ദ്വിവേദി മുന്നറിയിപ്പ് നൽകി.

അല്ലെങ്കിൽ അയൽരാജ്യത്തിൻ്റെ ചരിത്രപരവും ഭൂമിശാസ്ത്രപരവുമായ നിലനിൽപ്പ് അപകടത്തിലാകുമെന്നും അദ്ദേഹം പറഞ്ഞു.

വീണ്ടും പ്രകോപിപ്പിച്ചാൽ, ഓപ്പറേഷൻ സിന്ദൂർ 1.0 സമയത്ത് കാണിച്ചതുപോലുള്ള സംയമനം ഇന്ത്യ കാണിക്കില്ലെന്നും ഒരു പടി കൂടി മുന്നോട്ട് പോകുമെന്നും അദ്ദേഹം പറഞ്ഞു.

ഏപ്രിൽ 22-ന് നടന്ന പഹൽഗാം ഭീകരാക്രമണത്തിൽ 26 സാധാരണക്കാർ കൊല്ലപ്പെട്ടതിന് പ്രതികരണമായി മെയ് 7-ന് നടത്തിയ ഓപ്പറേഷൻ സിന്ദൂർ 1.0 സമയത്ത്, ഇന്ത്യൻ സായുധ സേന കൃത്യമായ ആക്രമണങ്ങൾ നടത്തുകയും പാക് അധിനിവേശ കശ്മീരിലും പാകിസ്ഥാൻ്റെ ഉൾപ്രദേശങ്ങളിലും ഒമ്പത് തീവ്രവാദ ലോഞ്ച് പാഡുകൾ നശിപ്പിക്കുകയും 100-ൽ അധികം തീവ്രവാദികളെ വധിക്കുകയും ചെയ്തിരുന്നു.

ഇന്ത്യൻ സൈനികരോട് സജ്ജരായിരിക്കാനും, അവരുടെ ഫയർ പവർ ഉടൻ തന്നെ പ്രയോഗിക്കാൻ മറ്റൊരു അവസരം ലഭിച്ചേക്കാമെന്നും ജനറൽ ദ്വവേദി സൂചന നൽകി,