ഭോജ്പുരി താരം പവൻ സിംഗിന് ആഭ്യന്തര മന്ത്രാലയം വൈ-കാറ്റഗറി സുരക്ഷ അനുവദിച്ചു

ഡല്‍ഹി: ഭോജ്പുരി സൂപ്പര്‍സ്റ്റാറും പൊതുപ്രവര്‍ത്തകനുമായ പവന്‍ സിങ്ങിന് ആഭ്യന്തര മന്ത്രാലയം (എംഎച്ച്എ) വൈ-കാറ്റഗറി സുരക്ഷ അനുവദിച്ചതായി സര്‍ക്കാര്‍ വൃത്തങ്ങള്‍ സ്ഥിരീകരിച്ചു.

ഇന്റലിജന്‍സ് ബ്യൂറോ (ഐബി) തയ്യാറാക്കിയ ഭീഷണി ധാരണാ റിപ്പോര്‍ട്ടിനെ തുടര്‍ന്നാണ് ഈ നീക്കം. ആഭ്യന്തര മന്ത്രാലയ വൃത്തങ്ങള്‍ പറയുന്നതനുസരിച്ച്, സിആര്‍പിഎഫ് കമാന്‍ഡോകള്‍ സുരക്ഷ കൈകാര്യം ചെയ്യും.

അവര്‍ സിംഗിന് 24 മണിക്കൂറും സംരക്ഷണം നല്‍കും. വൈ-കാറ്റഗറി സുരക്ഷയില്‍ അദ്ദേഹത്തിന്റെ വസതിയില്‍ അഞ്ച് സായുധ സ്റ്റാറ്റിക് ഗാര്‍ഡുകളും റൊട്ടേഷന്‍ ഷിഫ്റ്റുകളില്‍ പ്രവര്‍ത്തിക്കുന്ന മൂന്ന് പേഴ്സണല്‍ സെക്യൂരിറ്റി ഓഫീസര്‍മാരും (പിഎസ്ഒ) ഉള്‍പ്പെടെ ആകെ എട്ട് ഉദ്യോഗസ്ഥരെയാണ് ഉള്‍പ്പെടുത്തിയിരിക്കുന്നത്.

പൊതുരംഗത്തും രാഷ്ട്രീയരംഗത്തും വര്‍ദ്ധിച്ചുവരുന്ന ഭീഷണി കണക്കിലെടുത്താണ് സിംഗിന്റെ സുരക്ഷ വര്‍ദ്ധിപ്പിക്കാനുള്ള തീരുമാനം.