ഡൽഹിയിൽ പിറ്റ്ബുൾ നായയുടെ ആക്രമണത്തിൽ ആറുവയസ്സുകാരന്റെ ചെവി നഷ്ടപ്പെട്ടു, നായ ഉടമ അറസ്റ്റിൽ

ഡല്‍ഹി: ഡല്‍ഹിയിലെ പ്രേം നഗര്‍ പ്രദേശത്ത് ആറ് വയസ്സുള്ള ആണ്‍കുട്ടിയെ പിറ്റ്ബുള്‍ കടിച്ചുകീറി ഗുരുതരമായി പരിക്കേറ്റതായി പോലീസ് പറഞ്ഞു. കുട്ടിയുടെ വീടിന് പുറത്ത് നടന്ന സംഭവം ക്യാമറയില്‍ പതിഞ്ഞിട്ടുണ്ട്. 

അയല്‍ക്കാരന്റെ പിറ്റ്ബുള്‍ കുട്ടിയുടെ നേരെ പാഞ്ഞുകയറുകയായിരുന്നു. തുടര്‍ന്ന് കുട്ടിയുടെ ചെവി മുറിഞ്ഞു. ക്രൂരമായ ആക്രമണം ഏതാനും നിമിഷങ്ങള്‍ നീണ്ടുനിന്നെങ്കിലും രണ്ടുപേര്‍ ചേര്‍ന്ന് കുട്ടിയെ നായയുടെ പിടിയില്‍ നിന്ന് മോചിപ്പിച്ചു.

പരാതിയുടെയും മെഡിക്കല്‍ കണ്ടെത്തലുകളുടെയും അടിസ്ഥാനത്തില്‍ പ്രേം നഗര്‍ പോലീസ് സ്റ്റേഷനില്‍ കേസ് രജിസ്റ്റര്‍ ചെയ്തതിന് ശേഷം നായ ഉടമയെ അറസ്റ്റ് ചെയ്തു.

'ഭാരതീയ ന്യായ സംഹിതയുടെ സെക്ഷന്‍ 291 (മൃഗങ്ങളോടുള്ള അശ്രദ്ധമായ പെരുമാറ്റം), 125 (ബി) (മറ്റുള്ളവരുടെ ജീവനും സുരക്ഷയ്ക്കും അപകടമുണ്ടാക്കുന്ന തരത്തിലുള്ള അശ്രദ്ധമായ പ്രവൃത്തി) എന്നിവ പ്രകാരം കേസ് രജിസ്റ്റര്‍ ചെയ്തിട്ടുണ്ട്, നായയുടെ ഉടമയായ രാജേഷ് പാല്‍ അറസ്റ്റിലായി,' ഒരു മുതിര്‍ന്ന പോലീസ് ഉദ്യോഗസ്ഥന്‍ പറഞ്ഞു.