ദുർഗാപൂർ മെഡിക്കൽ വിദ്യാർത്ഥിനിയെ കൂട്ടബലാത്സംഗം ചെയ്തിട്ടില്ലെന്ന് പോലീസ്, സുഹൃത്തിനെ അറസ്റ്റ് ചെയ്തു

കൊല്‍ക്കത്ത: പശ്ചിമ ബംഗാളിലെ ദുര്‍ഗാപൂരിലെ ഒരു സ്വകാര്യ മെഡിക്കല്‍ കോളേജിന് സമീപം ബലാത്സംഗത്തിന് ഇരയായ മെഡിക്കല്‍ വിദ്യാര്‍ത്ഥിനിയുടെ സുഹൃത്തിനെ പോലീസ് അറസ്റ്റ് ചെയ്തു. ഇതോടെ കേസില്‍ ആകെ അറസ്റ്റിലായവരുടെ എണ്ണം ആറായി.

ഒഡീഷയില്‍ നിന്ന് പശ്ചിമ ബംഗാളിലേക്ക് പഠനത്തിനായി പോയ രണ്ടാം വര്‍ഷ എംബിബിഎസ് വിദ്യാര്‍ത്ഥിനിയായ സ്ത്രീയും സുഹൃത്തും ഒക്ടോബര്‍ 10 ന് ദുര്‍ഗാപൂരിലെ ശിവപൂര്‍ പ്രദേശത്തെ ഐക്യു സിറ്റി മെഡിക്കല്‍ കോളേജില്‍ നിന്ന് ഇറങ്ങിവന്നപ്പോള്‍ ഏതാനും ആളുകള്‍ അവരെ പിടികൂടി വനപ്രദേശത്തേക്ക് കൊണ്ടുപോയി ബലാത്സംഗം ചെയ്തതായി നേരത്തെ റിപ്പോര്‍ട്ട് ചെയ്തിരുന്നു.

പോലീസില്‍ നല്‍കിയ പരാതിയില്‍, പെണ്‍കുട്ടിയുടെ പിതാവ് സുഹൃത്തിന്റെ പേര് പറയുകയും 'മകളെ തെറ്റിദ്ധരിപ്പിച്ചതായും തെറ്റായ കാരണങ്ങളാല്‍ ഒഴിഞ്ഞ സ്ഥലത്തേക്ക് കൊണ്ടുപോയതായും' പറഞ്ഞിരുന്നു.

ചൊവ്വാഴ്ച, സുഹൃത്തിനെ കസ്റ്റഡിയിലെടുക്കുന്നതിന് മുമ്പ്, അസന്‍സോള്‍-ദുര്‍ഗാപൂര്‍ പോലീസ് കമ്മീഷണര്‍ സുനില്‍ കുമാര്‍ ചൗധരി, കുറ്റകൃത്യം നടന്ന സ്ഥലത്ത് അഞ്ച് പേരെ അറസ്റ്റ് ചെയ്തതായും അവരുടെ സാന്നിധ്യം കണ്ടെത്തിയതായും, പെണ്‍കുട്ടിയില്‍ നിന്ന് തട്ടിയെടുത്ത മൊബൈല്‍ ഫോണ്‍ കണ്ടെടുത്തതായും പറഞ്ഞിരുന്നു.

പെണ്‍കുട്ടിയെ ഒരാള്‍ ലൈംഗികമായി പീഡിപ്പിച്ചതായും പോലീസ് കണ്ടെത്തിയതായി ചൗധരി പറഞ്ഞു.

'ഇതുവരെ ശേഖരിച്ച സാങ്കേതികവും ശാസ്ത്രീയവുമായ തെളിവുകളും സ്ത്രീയുടെ മൊഴിയും അനുസരിച്ച്, ഒരു പ്രതി ശാരീരിക ലൈംഗികാതിക്രമം നടത്തിയതായി ഞങ്ങള്‍ കണ്ടെത്തി. അഞ്ച് പ്രതികളുടെയും പങ്കാളിത്തം അന്വേഷിച്ചുവരികയാണ്,' അദ്ദേഹം പറഞ്ഞു.

'സംഭവസ്ഥലത്ത് ഉണ്ടായിരുന്ന സ്ത്രീയുടെ സുഹൃത്ത്... അയാളുടെ പങ്കും സംശയാതീതമല്ല. അയാളുടെ പങ്കും ഞങ്ങള്‍ അന്വേഷിക്കുന്നുണ്ട്. ഞങ്ങള്‍ പലതവണ അയാളെ പരിശോധിച്ചു... അദ്ദേഹം പറഞ്ഞു.