കൃഷ്ണപുരത്ത് പത്താം ക്ലാസ് വിദ്യാര്‍ത്ഥിനിയുടെ കഴുത്തറുത്ത് ഇന്‍സ്റ്റാഗ്രാം സുഹൃത്ത്‌

ചെന്നൈ: കൃഷ്ണപുരത്ത് പത്താം ക്ലാസ് വിദ്യാര്‍ത്ഥിനിയുടെ കഴുത്തറുത്ത് ഇന്‍സ്റ്റാഗ്രാം സുഹൃത്ത്. പരിക്കുകളോടെ ആക്രമണത്തില്‍ നിന്ന് രക്ഷപ്പെട്ട പെണ്‍കുട്ടിയെ ആശുപത്രിയില്‍ പ്രവേശിപ്പിച്ചു.

15 വയസ്സുള്ള പെണ്‍കുട്ടി അതേ പ്രദേശത്തുനിന്നുള്ള 12-ാം ക്ലാസില്‍ പഠിക്കുന്ന 17 വയസ്സുള്ള ആണ്‍കുട്ടിയുമായി സോഷ്യല്‍ മീഡിയ വഴി സൗഹൃദത്തിലായിരുന്നു

ഫെബ്രുവരി 23-ന് രാത്രി 10 മണിയോടെ ആണ്‍കുട്ടി പെണ്‍കുട്ടിയെ വീട്ടില്‍ നിന്ന് വിളിച്ചുവരുത്തി. പെണ്‍കുട്ടി പുറത്തേക്കിറങ്ങിയപ്പോള്‍ കത്തി ഉപയോഗിച്ച് ആക്രമിച്ച് കഴുത്ത് പലതവണ മുറിച്ച് സ്വര്‍ണ്ണമാല കവര്‍ന്നെടുത്തു.

പരിക്കേറ്റ പെണ്‍കുട്ടി രക്ഷപ്പെട്ട് രക്തത്തില്‍ കുളിച്ച് വീട്ടിലെത്തിയതോടെ മാതാപിതാക്കള്‍ ദിണ്ടിഗല്‍ സര്‍ക്കാര്‍ ആശുപത്രിയില്‍ എത്തിച്ചു

പെണ്‍കുട്ടിയുടെ പിതാവിന്റെ പരാതിയെത്തുടര്‍ന്ന് ബാലവിദുത്തി പോലീസ് കേസ് രജിസ്റ്റര്‍ ചെയ്യുകയും ആണ്‍കുട്ടിയെ അറസ്റ്റ് ചെയ്യുകയും ചെയ്തു. ചോദ്യം ചെയ്യുന്നതിനായി ഇയാളുടെ മൂന്ന് സുഹൃത്തുക്കളെയും കസ്റ്റഡിയിലെടുത്തു.