ഉത്തരാഖണ്ഡ് പോലീസ് വകുപ്പ് പ്രതിസന്ധിയിൽ, ദയാവധം ആവശ്യപ്പെട്ട് രാഷ്ട്രപതിക്ക് കത്തെഴുതി വനിതാ പോലീസ് ഉദ്യോഗസ്ഥ

ഡെറാഡൂണ്‍: ആത്മഹത്യ ചെയ്യാന്‍ അനുമതി തേടി രാഷ്ട്രപതിക്ക് കത്തെഴുതി ഉത്തരാഖണ്ഡ് പോലീസ് വകുപ്പില്‍ നിയമിതയായ ഒരു വനിതാ പോലീസ് ഉദ്യോഗസ്ഥ. പോലീസ് വകുപ്പില്‍ നിയമിതനായ ഒരു ഉദ്യോഗസ്ഥന്‍ തന്നെ ചൂഷണം ചെയ്തതായി കാണിച്ചാണ് ഉദ്യോഗസ്ഥ രാഷ്ട്രപതിക്ക് കത്തെഴുതിയത്.

ഉന്നത അധികാരികളോട് പരാതിപ്പെട്ടപ്പോള്‍ തന്റെ ശബ്ദം അടിച്ചമര്‍ത്തപ്പെട്ടു. പരാതി രജിസ്റ്റര്‍ ചെയ്യുന്നതിന് പകരം തന്നെ ജയിലിലടച്ചു.

ജയിലില്‍ നിന്ന് പുറത്തിറങ്ങിയ ശേഷം, പോലീസ് വകുപ്പിലെ നിരവധി ഉദ്യോഗസ്ഥര്‍ തന്റെ വസതിയില്‍ എത്തി മാനസികമായി പീഡിപ്പിച്ചു.

പോലീസ് ഡയറക്ടര്‍ ജനറല്‍ ഉള്‍പ്പെടെ നിരവധി ഉന്നത ഉദ്യോഗസ്ഥര്‍ക്ക് പരാതികള്‍ നല്‍കിയെങ്കിലും ആരും പരാതി പരിഗണിച്ചില്ല. അത്തരമൊരു സാഹചര്യത്തില്‍, പോലീസ് ഉദ്യോഗസ്ഥനെതിരെ നടപടിയെടുക്കണം അല്ലെങ്കില്‍ തനിക്ക് ദയാവധം നല്‍കണം. ഉദ്യോഗസ്ഥ കത്തില്‍ ആവശ്യപ്പെട്ടു.