മധ്യപ്രദേശിലെ ചിന്ദ്വാരയിൽ ചുമ സിറപ്പ് കഴിച്ച് മരിച്ചവരുടെ എണ്ണം 10 ആയി, കോൾഡ്രിഫ് മരുന്ന് നിർദ്ദേശിച്ച ഡോക്ടർ അറസ്റ്റിൽ

ഛിന്ദ്വാര: നിരവധി കുട്ടികളുടെ മരണവുമായി ബന്ധപ്പെട്ട കോള്‍ഡ്രിഫ് കഫ് സിറപ്പ് കേസില്‍ മധ്യപ്രദേശിലെ ചിന്ദ്വാരയില്‍ ശിശുരോഗ വിദഗ്ധന്‍ ഡോ. പ്രവീണ്‍ സോണിയെ അറസ്റ്റ് ചെയ്തു. 

പ്രായപൂര്‍ത്തിയാകാത്തവര്‍ക്ക് വിഷ സിറപ്പ് നിര്‍ദ്ദേശിച്ചതിനെക്കുറിച്ചുള്ള അന്വേഷണത്തെത്തുടര്‍ന്ന് കോട്വാലി പോലീസ് സ്റ്റേഷന്‍ പ്രദേശത്തെ രാജ്പാല്‍ ചൗക്കിന് സമീപമാണ് പോലീസ് അദ്ദേഹത്തെ കസ്റ്റഡിയിലെടുത്തത്.

പരേഷ്യയിലെ ബിഎംഒ ഡോ. അങ്കിത് സല്ലം നല്‍കിയ ഔപചാരിക പരാതിയെ തുടര്‍ന്നാണ് അറസ്റ്റ്. അദ്ദേഹത്തിന്റെ റിപ്പോര്‍ട്ടിന്റെ അടിസ്ഥാനത്തില്‍, ഭാരതീയ ന്യായ സംഹിത (ബിഎന്‍എസ്), 1940 ലെ ഡ്രഗ്‌സ് ആന്‍ഡ് കോസ്‌മെറ്റിക്‌സ് ആക്ട് എന്നിവയിലെ നിരവധി കര്‍ശനമായ വകുപ്പുകള്‍ പ്രകാരം ക്രിമിനല്‍ കേസ് രജിസ്റ്റര്‍ ചെയ്തു.