ദ്വാരകയിലെ ഡൽഹി പബ്ലിക് സ്‌കൂളിന് ബോംബ് ഭീഷണി, ക്യാമ്പസ് ഒഴിപ്പിച്ചു

ഡല്‍ഹി: ദേശീയ തലസ്ഥാനത്തെ സ്‌കൂളുകള്‍ക്ക് നേരെയുള്ള ബോംബ് ഭീഷണി പരമ്പര അവസാനിക്കുന്നില്ല. ഏറ്റവും പുതിയ കേസില്‍, തിങ്കളാഴ്ച, ദ്വാരകയിലെ ഡല്‍ഹി പബ്ലിക് സ്‌കൂളിന് (ഡിപിഎസ്) ബോംബ് ഭീഷണി ലഭിച്ചു.

ഇ-മെയില്‍ വഴിയാണ് ഭീഷണി സന്ദേശം ലഭിച്ചിരിക്കുന്നത്. മുന്‍കരുതല്‍ എന്ന നിലയില്‍ സ്‌കൂള്‍ പരിസരം ഒഴിപ്പിച്ചു.

ബോംബ് നിര്‍വീര്യമാക്കല്‍ സ്‌ക്വാഡും പോലീസ് സംഘവും സ്ഥലത്ത് പരിശോധന നടത്തിവരികയാണ്. ഇതുവരെ സ്‌ഫോടകവസ്തുക്കളൊന്നും കണ്ടെത്തിയിട്ടില്ല.