അൻവറിന്റെ ഡിഎംകെ ഇനി അടഞ്ഞ അധ്യായം. യുഡിഎഫ് പ്രവേശനവും തൃശങ്കുവിൽ. പി വി അൻവർ തൃണമൂൽ കോൺഗ്രസിൽ. അംഗത്വം നൽകിയത് അഭിഷേക് ബാനർജി

കൊൽക്കത്ത: നിലമ്പൂർ എം എൽ എ പിവി അൻവർ തൃണമൂൽ കോൺഗ്രസിൽ ചേർന്നു. ബംഗാളിൽ വെച്ചാണ് പാർട്ടി അംഗത്വം സ്വീകരിച്ചത്. 

ഇതോടെ ബംഗാളിന് പിന്നാലെ കേരളത്തിലും തൃണമൂൽ കോൺഗ്രസിന് എം എൽ എ ആയി. തൃണമൂൽ നേതാവും എംപിയുമായ അഭിഷേക് ബാനർജിയാണ് അൻവറിന് അംഗത്വം നൽ‌കിയത്. 

പാർട്ടിയിൽ സംസ്ഥാന കോ-ഓർഡിനേറ്റർ സ്ഥാനമാണ് അൻവറിന് ലഭിച്ചിരിക്കുന്നതെന്നാണ് സൂചന. അന്‍വറിനെ സ്വാഗതം ചെയ്യുന്നുവെന്നും ജനക്ഷേമത്തിനായി ഒരുമിച്ച പ്രവര്‍ത്തിക്കാമെന്നും ടിഎംസി എക്‌സില്‍ കുറിച്ചു

ഇതോടെ അൻവറിന്റെ യുഡിഎഫ് പ്രവേശനവും തൃശങ്കുവിലായി. യുഡിഎഫ് പ്രവേശനത്തിനായി അൻവർ ലീ​ഗിന്റെ പിന്തുണ തേടിയെങ്കിലും കോൺ​ഗ്രസ് നേതാക്കൾക്ക് അതൃപ്തിയുണ്ടായിരുന്നു.

കോൺഗ്രസ് നേതാക്കളെ കാണാൻ ലക്ഷ്യമിട്ട് അൻവർ തിരുവനന്തപുരത്തു കഴിഞ്ഞദിവസം എത്തിയെങ്കിലും ആരും അൻവറിനു സമയം നൽകിയിരുന്നില്ല.