ഇന്ത്യയ്ക്ക് ദുർബലനായ ഒരു പ്രധാനമന്ത്രിയുണ്ട്'; എച്ച്-1ബി വിസ നിയന്ത്രണത്തിൽ മോദിയെ ആക്രമിച്ച് രാഹുൽ ഗാന്ധി

ഡല്‍ഹി: എച്ച് -1 ബി വിസകള്‍ക്ക് അമേരിക്ക 100,000 ഡോളര്‍ (88 ലക്ഷത്തിലധികം രൂപ) വാര്‍ഷിക ഫീസ് ഏര്‍പ്പെടുത്തിയതിനെത്തുടര്‍ന്ന് പ്രധാനമന്ത്രി നരേന്ദ്ര മോദിയെ കടന്നാക്രമിച്ച് കോണ്‍ഗ്രസ്. 

പ്രധാനമന്ത്രിയെ  രാഹുല്‍ ഗാന്ധി 'ദുര്‍ബലനായ' നേതാവെന്ന് വിളിച്ചു, "ഞാൻ ആവർത്തിക്കുന്നു, ഇന്ത്യയ്ക്ക് ഒരു ദുർബലനായ പ്രധാനമന്ത്രിയുണ്ട്."

2017-ൽ യുഎസ് സന്ദർശന വേളയിൽ പ്രധാനമന്ത്രി മോദിയും ട്രംപും തമ്മിൽ എച്ച്-1ബി വിസ സംബന്ധിച്ച ആശങ്കകൾ ചർച്ചാ വിഷയമായിരുന്നില്ല എന്നതിനെക്കുറിച്ചുള്ള തന്റെ സമാനമായ അഭിപ്രായവും അദ്ദേഹം പങ്കുവെച്ചു.

അതേസമയം, വിദേശനയത്തെ 'ആലിംഗനങ്ങള്‍, പൊള്ളയായ മുദ്രാവാക്യങ്ങള്‍, ഉച്ചത്തിലുള്ള ദൃശ്യങ്ങള്‍' എന്നിവയിലേക്ക് ചുരുക്കിയതായി കോണ്‍ഗ്രസ് പ്രസിഡന്റ് മല്ലികാര്‍ജുന്‍ ഖാര്‍ഗെ ആരോപിച്ചു. 

ഇന്ത്യയുടെ ദേശീയ താല്‍പ്പര്യങ്ങള്‍ സംരക്ഷിക്കുന്നതില്‍ അത്തരം നാടകീയതകള്‍ പരാജയപ്പെട്ടുവെന്ന് അദ്ദേഹം വാദിച്ചു.