ട്രാക്കുകൾക്കിടയിൽ ആദ്യമായി സോളാർ പാനലുകൾ സ്ഥാപിച്ച് ഇന്ത്യൻ റെയിൽവേ

ഡല്‍ഹി: ഇന്ത്യന്‍ റെയില്‍വേ വൈദ്യുതി ലാഭിക്കുന്നതിനും പരിസ്ഥിതി സംരക്ഷിക്കുന്നതിനുമുള്ള പുതിയ രീതികള്‍ സ്വീകരിക്കുന്നു. 

റെയില്‍വേ മന്ത്രാലയം സോഷ്യല്‍ മീഡിയയില്‍ പങ്കുവെച്ച ഒരു പോസ്റ്റില്‍, ബനാറസ് ലോക്കോമോട്ടീവ് വര്‍ക്ക്‌സ് റെയില്‍വേ ട്രാക്കുകള്‍ക്കിടയില്‍ ഇന്ത്യയിലെ ആദ്യത്തെ 70 മീറ്റര്‍ നീളമുള്ള നീക്കം ചെയ്യാവുന്ന സോളാര്‍ പാനല്‍ സിസ്റ്റം (സോളാര്‍ പാനല്‍ സിസ്റ്റം ഓണ്‍ ട്രാക്ക്) സ്ഥാപിച്ചതായി അറിയിച്ചു.

സോഷ്യല്‍ മീഡിയ പ്ലാറ്റ്ഫോമായ എക്സില്‍ ഒരു പോസ്റ്റിലൂടെയാണ് ഇന്ത്യന്‍ റെയില്‍വേ ഈ ചരിത്ര നേട്ടത്തെക്കുറിച്ച് അറിയിച്ചത്.

വാരണാസിയിലെ ബനാറസ് ലോക്കോമോട്ടീവ് വര്‍ക്ക്‌സ് റെയില്‍വേ ട്രാക്കിലെ ട്രാക്കുകള്‍ക്കിടയില്‍ ഇന്ത്യയിലെ ആദ്യത്തെ 70 മീറ്റര്‍ നീളമുള്ള നീക്കം ചെയ്യാവുന്ന സോളാര്‍ പാനല്‍ സിസ്റ്റം സ്ഥാപിച്ചതായി പോസ്റ്റില്‍ വിവരം നല്‍കിയിട്ടുണ്ട്. 15 കിലോവാട്ട് പീക്ക് ശേഷിയുള്ള 28 സോള പാനലുകള്‍ ഇതില്‍ സ്ഥാപിച്ചിട്ടുണ്ട്.