മൊറോക്കോയിൽ ടാറ്റയുടെ ആദ്യ ആർമർഡ് വെഹിക്കിൾ പ്ലാൻ്റ് രാജ്നാഥ് സിംഗ് ഉദ്ഘാടനം ചെയ്യും

ഡല്‍ഹി: ഇന്ത്യയുടെ വളരുന്ന ആഗോള സാന്നിധ്യത്തില്‍ ഒരു വലിയ നാഴികക്കല്ലായി പ്രതിരോധ മന്ത്രി രാജ്‌നാഥ് സിംഗ് ടാറ്റാ അഡ്വാന്‍സ്ഡ് സിസ്റ്റംസിന്റെ മൊറോക്കോയിലെ ആദ്യത്തെ നിര്‍മ്മാണ കേന്ദ്രം ഉദ്ഘാടനം ചെയ്യും.

ബെറെചിദിലെ ഈ കേന്ദ്രത്തില്‍ വീല്‍ഡ് ആര്‍മര്‍ഡ് പ്ലാറ്റ്‌ഫോം നിര്‍മ്മിക്കും. ഇത് ആഫ്രിക്കയിലെ ആദ്യത്തെ ഇന്ത്യന്‍ പ്രതിരോധ നിര്‍മ്മാണ യൂണിറ്റാണ്.

ഒരു ഇന്ത്യന്‍ പ്രതിരോധ മന്ത്രിയുടെ ഈ വടക്കന്‍ ആഫ്രിക്കന്‍ രാജ്യത്തേക്കുള്ള ആദ്യ സന്ദര്‍ശനമാണിത്. രണ്ട് ദിവസത്തെ ഈ സന്ദര്‍ശനം ചരിത്രപരമാണ്. ഇന്ത്യയുടെ പ്രതിരോധ മേഖല ആഗോള ആവശ്യങ്ങള്‍ നിറവേറ്റുന്നതിനാല്‍ ''മേക്ക് ഇന്‍ ഇന്ത്യ'' എന്നതില്‍ നിന്ന് ''മേക്ക് ഫോര്‍ ദ വേള്‍ഡ്'' എന്നതിലേക്കുള്ള ഇന്ത്യയുടെ മാറ്റത്തിന് ഈ വികസനം അടിവരയിടുന്നു.

ഓപ്പറേഷന്‍ സിന്ദൂറിന് ശേഷം ഇന്ത്യന്‍ ആയുധങ്ങളോടും പ്ലാറ്റ്‌ഫോമുകളോടുമുള്ള താല്‍പ്പര്യം കുത്തനെ വര്‍ധിച്ചു. ഫിലിപ്പൈന്‍സ് ബ്രഹ്‌മോസ് മിസൈല്‍ സംവിധാനത്തിന്റെ ആദ്യ ഉപഭോക്താവായതിന് ശേഷം ഒരു ഡസനോളം രാജ്യങ്ങള്‍ വാങ്ങാന്‍ താല്‍പ്പര്യം കാണിക്കുന്നുണ്ട്.