ഇന്ത്യൻ കോസ്റ്റ് ഗാർഡിന്റെ മലിനീകരണ നിയന്ത്രണ കപ്പലായ 'സമുദ്ര പ്രതാപ്' ഗോവയിൽ രാജ്നാഥ് സിംഗ് കമ്മീഷൻ ചെയ്തു

പനാജി: ഇന്ത്യന്‍ കോസ്റ്റ് ഗാര്‍ഡിന്റെ (ഐസിജി) ആദ്യത്തെ തദ്ദേശീയമായി രൂപകല്‍പ്പന ചെയ്ത് നിര്‍മ്മിച്ച മലിനീകരണ നിയന്ത്രണ കപ്പലായ 'സമുദ്ര പ്രതാപ്' ഗോവയില്‍ പ്രതിരോധ മന്ത്രി രാജ്നാഥ് സിംഗ് കമ്മീഷന്‍ ചെയ്തു. 

ഗോവ ഷിപ്പ്യാര്‍ഡ് ലിമിറ്റഡ് (ജിഎസ്എല്‍) നിര്‍മ്മിച്ച രണ്ട് മലിനീകരണ നിയന്ത്രണ കപ്പലുകളില്‍ (പിസിവി) ആദ്യത്തേതാണ് സമുദ്ര പ്രതാപ്.

സൗത്ത് ഗോവയിലെ വാസ്‌കോയിലെ ജിഎസ്എല്ലില്‍ സിംഗ് കപ്പല്‍ കമ്മീഷന്‍ ചെയ്തു. ഗോവ മുഖ്യമന്ത്രി പ്രമോദ് സാവന്ത്, കേന്ദ്ര പ്രതിരോധ സെക്രട്ടറി രാജേഷ് കുമാര്‍ സിംഗ്, ഐസിജി ഡയറക്ടര്‍ ജനറല്‍ പരമേഷ് ശിവമണി എന്നിവര്‍ ചടങ്ങില്‍ പങ്കെടുത്തു.

കപ്പല്‍ നിര്‍മ്മാണത്തിലും സമുദ്ര ശേഷി വികസനത്തിലും ഇന്ത്യയുടെ 'ആത്മനിര്‍ഭര്‍ത' ലക്ഷ്യത്തിലെ ഒരു പ്രധാന ചുവടുവയ്പ്പാണ് 'സമുദ്ര പ്രതാപ്' കമ്മീഷന്‍ ചെയ്യുന്നത് എന്ന് ഐസിജി പറയുന്നു.