നിയന്ത്രണ രേഖയില്‍ ഇന്ത്യന്‍ സിവിലിയന്മാരെ ലക്ഷ്യം വയ്ക്കുന്ന പാകിസ്ഥാന്‍ സൈന്യത്തിനെതിരെ ശക്തവും ശിക്ഷാര്‍ഹവുമായ നടപടി സ്വീകരിക്കാന്‍ സേനയ്ക്ക് നിർദ്ദേശം നൽകി പ്രതിരോധ മന്ത്രി

ഡല്‍ഹി: സിവിലിയന്‍ മേഖലകളെ ലക്ഷ്യമിട്ട് അടുത്തിടെ നടന്ന ഡ്രോണ്‍ ആക്രമണങ്ങളില്‍ പാകിസ്ഥാന്‍ സൈന്യത്തിനെതിരെ ശക്തമായ നടപടി സ്വീകരിക്കണമെന്ന് സൈന്യത്തോട് ആവശ്യപ്പെട്ട് പ്രതിരോധ മന്ത്രി രാജ്നാഥ് സിംഗ്.

നിയന്ത്രണ രേഖയില്‍ ഇന്ത്യന്‍ സിവിലിയന്മാരെ ലക്ഷ്യം വയ്ക്കുന്ന പാകിസ്ഥാന്‍ സൈന്യത്തിനെതിരെ ശക്തവും ശിക്ഷാര്‍ഹവുമായ നടപടി സ്വീകരിക്കാന്‍ രാജ്‌നാഥ് സിംഗ് ആവശ്യപ്പെട്ടു.

മൂന്ന് സായുധ സേനകളുടെയും മേധാവികളായ ചീഫ് ഓഫ് ഡിഫന്‍സ് സ്റ്റാഫുമായി പ്രതിരോധ മന്ത്രി ശനിയാഴ്ച ഡല്‍ഹിയില്‍ സ്ഥിതിഗതികള്‍ വിലയിരുത്തും.

നേരത്തെ, സ്ഥിതിഗതികള്‍ അവലോകനം ചെയ്യുന്നതിനായി പ്രതിരോധ മന്ത്രി, ദേശീയ സുരക്ഷാ ഉപദേഷ്ടാവ്, പ്രതിരോധ മേധാവി, സായുധ സേനാ മേധാവികള്‍, മറ്റ് മുതിര്‍ന്ന ഉദ്യോഗസ്ഥര്‍ എന്നിവര്‍ പങ്കെടുത്ത യോഗത്തില്‍ പ്രധാനമന്ത്രി മോദി അധ്യക്ഷത വഹിച്ചു.