രണ്ടാം തവണയും പ്രതിരോധ മന്ത്രിയായി ചുമതലയേറ്റെടുത്ത് രാജ്നാഥ് സിംഗ്

ഡല്‍ഹി: മുതിര്‍ന്ന ബിജെപി നേതാവ് രാജ്നാഥ് സിംഗ് തുടര്‍ച്ചയായി രണ്ടാം തവണയും രാജ്യത്തിന്റെ പ്രതിരോധ മന്ത്രിയായി ചുമതലയേറ്റു. 2019 മെയ് മാസത്തിലാണ് രാജ്നാഥ് സിംഗ് ആദ്യമായി പ്രതിരോധ മന്ത്രിയായി ചുമതലയേറ്റത്.

പ്രധാനമന്ത്രി മോദി എനിക്ക് വീണ്ടും പ്രതിരോധ മന്ത്രാലയത്തിന്റെ ചുമതല നല്‍കി. നമ്മുടെ മുന്‍ഗണന രാജ്യത്തിന്റെ സംരക്ഷണത്തിന് തന്നെയായിരിക്കും. ശക്തമായ 'ആത്മനിര്‍ഭര്‍' ഭാരതം വികസിപ്പിക്കാന്‍ ഞങ്ങള്‍ ആഗ്രഹിക്കുന്നു.

പ്രതിരോധ നിര്‍മ്മാണത്തില്‍ സ്വയം ആശ്രയിക്കാന്‍ ഞങ്ങള്‍ ആഗ്രഹിക്കുന്നു. 21,000 കോടി രൂപയുടെ പ്രതിരോധ ഉപകരണങ്ങള്‍ ഞങ്ങള്‍ കയറ്റുമതി ചെയ്തിട്ടുണ്ട്.

അടുത്ത 5 വര്‍ഷത്തിനുള്ളില്‍ ഈ കണക്ക് 50,000 കോടി രൂപയിലേക്ക് എത്തിക്കുകയാണ് ഞങ്ങളുടെ ലക്ഷ്യം. ഇന്ത്യന്‍ ആര്‍മി, ഇന്ത്യന്‍ നേവി, ഇന്ത്യന്‍ എയര്‍ഫോഴ്‌സ് എന്നീ മൂന്ന് സായുധ സേനകളില്‍ ഞങ്ങള്‍ അഭിമാനിക്കുന്നു. പ്രതിരോധ മന്ത്രിയായി ചുമതലയേറ്റ ശേഷം അദ്ദേഹം പറഞ്ഞു.