റാണി ഗാർഡൻ ചേരികളിൽ തീപിടുത്തം, എട്ട് ഫയർ എഞ്ചിനുകൾ സ്ഥലത്തെത്തി തീയണച്ചു

ഡല്‍ഹി: ഡല്‍ഹിയിലെ ഗീത കോളനിയിലെ റാണി ഗാര്‍ഡനിലെ ചേരി പ്രദേശത്ത് വ്യാഴാഴ്ച പുലര്‍ച്ചെ വന്‍ തീപിടുത്തമുണ്ടായി. പുലര്‍ച്ചെ 1:05 ഓടെയാണ് അഗ്‌നിശമന സേനയ്ക്ക് വിവരം ലഭിച്ചത്. 

തീ അണയ്ക്കുന്നതിനായി എട്ട് അഗ്‌നിശമന സേനാംഗങ്ങള്‍ ഉടന്‍ സ്ഥലത്തേക്ക് അയച്ചു. ഒരു സ്‌ക്രാപ്പ് വെയര്‍ഹൗസില്‍ നിന്നാണ് തീ ആരംഭിച്ചതെന്നും അത് പെട്ടെന്ന് തന്നെ അടുത്തുള്ള ചേരി വീടുകളിലേക്ക് പടര്‍ന്നതായും ഫയര്‍ ഓഫീസര്‍ യശ്വന്ത് സിന്‍ഹ പറഞ്ഞു. 

'പുലര്‍ച്ചെ 1.05 ന് ഒരു കോള്‍ ലഭിച്ചു. ഗീത കോളനിയിലെ റാണി ഗാര്‍ഡനിലെ ചേരികളില്‍ തീപിടുത്തമുണ്ടായതായി വിവരം ലഭിച്ചു. തീ നിയന്ത്രിക്കാനുള്ള ശ്രമങ്ങള്‍ പുരോഗമിക്കുകയാണ്.

8 ഫയര്‍ ട്രക്കുകള്‍ സംഭവസ്ഥലത്തുണ്ട്. ആളപായമൊന്നും ഉണ്ടായിട്ടില്ല. 15-20 ചേരികളുണ്ട്, ഒരു സ്‌ക്രാപ്പ് വെയര്‍ഹൗസിലാണ് തീപിടുത്തമുണ്ടായത്. തീപിടുത്തത്തിന്റെ കാരണം കണ്ടെത്തിയിട്ടില്ല,' അദ്ദേഹം പറഞ്ഞു. 

രാഷ്ട്രപതി ഭവന്റെ 31-ാം നമ്പര്‍ ഗേറ്റിന് സമീപം തീപിടുത്തമുണ്ടായി ദിവസങ്ങള്‍ക്ക് ശേഷമാണ് ഈ സംഭവം.

രണ്ട് നില കെട്ടിടത്തിലെ വീട്ടുപകരണങ്ങള്‍ക്ക് തീപിടിച്ചു. 20 മിനിറ്റിനുള്ളില്‍ തീ നിയന്ത്രണവിധേയമാക്കി, ആര്‍ക്കും പരിക്കില്ലെന്ന് റിപ്പോര്‍ട്ട് ചെയ്തു.