' ആ പ്രഖ്യാപനം തിരിച്ചടിയായി' ! രേവന്ത് റെഡ്ഡി പെരുമാറ്റച്ചട്ടം ലംഘിച്ചെന്ന് തിരഞ്ഞെടുപ്പ് കമ്മീഷന്‍; തെലങ്കാന മുഖ്യമന്ത്രിക്ക് തിരിച്ചടി

ഹൈദരാബാദ്: തെലങ്കാന മുഖ്യമന്ത്രി രേവന്ത് റെഡ്ഡി മാതൃകാ പെരുമാറ്റച്ചട്ടം ലംഘിച്ചതായി തിരഞ്ഞെടുപ്പ് കമ്മീഷൻ  ചൊവ്വാഴ്ച കണ്ടെത്തി. ഋതു ഭരോസ പദ്ധതിക്ക് കീഴിലുള്ള പണം മെയ് 9-നോ അതിനുമുമ്പോ വിതരണം ചെയ്യുമെന്ന പ്രഖ്യാപനമാണ് രേവന്തിന് തിരിച്ചടിയായത്.

പദ്ധതിയുടെ ഭാഗമായി വിതരണം ചെയ്യാനുള്ള പണം തെലങ്കാനയിൽ വോട്ടെടുപ്പ് അവസാനിക്കുന്ന മേയ് 13നു ശേഷമേ നൽകാവൂവെന്നും കമ്മീഷന്‍ നിര്‍ദ്ദേശിച്ചു.