'നീതി ലഭിക്കുന്നതുവരെ ഞങ്ങളുടെ പോരാട്ടം തുടരും', മാനനഷ്ടക്കേസിൽ ആർജി കാർ ഇരയുടെ പിതാവ്

കൊല്‍ക്കത്ത: തൃണമൂല്‍ കോണ്‍ഗ്രസ് വക്താവ് കുനാല്‍ ഘോഷ് മാനനഷ്ടക്കേസ് ഫയല്‍ ചെയ്ത് മണിക്കൂറുകള്‍ക്ക് ശേഷം, അവര്‍ക്ക് ഒരു പ്രാധാന്യവും നല്‍കാന്‍ ഞങ്ങള്‍ ആഗ്രഹിക്കുന്നില്ലെന്ന് ആര്‍ജി കാര്‍ ആശുപത്രിയില്‍ ബലാത്സംഗം ചെയ്യപ്പെട്ട് കൊല്ലപ്പെട്ട വനിതാ ട്രെയിനി ഡോക്ടറുടെ പിതാവ്.

നീതി ലഭിക്കുന്നതുവരെ ഞങ്ങളുടെ പോരാട്ടം തുടരും. നോട്ടീസ് ലഭിച്ച ശേഷം, ഞങ്ങളുടെ അഭിഭാഷകന്‍ മാനനഷ്ടക്കേസില്‍ പ്രതികരിക്കും.

ബംഗാള്‍ സര്‍ക്കാരിനും സിബിഐക്കും ഇടയില്‍ പണം നല്‍കി കേസ് ഒത്തുതീര്‍പ്പാക്കാന്‍ ഘോഷ് ഒരു മധ്യസ്ഥനായി പ്രവര്‍ത്തിച്ചുവെന്ന് ഇരയുടെ പിതാവ് പരസ്യമായി ആരോപിച്ചതിനെ തുടര്‍ന്നാണ് കൊല്‍ക്കത്തയിലെ ബാങ്ക്ഷാള്‍ കോടതിയില്‍ മാനനഷ്ടക്കേസ് ഫയല്‍ ചെയ്തത്.

ഇരയുടെ പിതാവ് തന്നെ അപകീര്‍ത്തിപ്പെടുത്താന്‍ നിരന്തരവും ലക്ഷ്യബോധമുള്ളതുമായ ശ്രമങ്ങള്‍ നടത്തുന്നുണ്ടെന്ന് ഘോഷ് ആരോപിക്കുന്നു.

കഴിഞ്ഞ ചൊവ്വാഴ്ച, കുനാല്‍ ഘോഷിന്റെ അഭിഭാഷകന്‍ ഇരയുടെ പിതാവിന് വക്കീല്‍ നോട്ടീസ് അയച്ചു. നാല് ദിവസത്തിനുള്ളില്‍ മാധ്യമങ്ങളെ വിളിച്ച് പരസ്യമായി ക്ഷമാപണം നടത്തണമെന്ന് അദ്ദേഹത്തോട് ആവശ്യപ്പെട്ടു.

അല്ലാത്തപക്ഷം നിയമനടപടി സ്വീകരിക്കുമെന്ന് മുന്നറിയിപ്പ് നല്‍കി. സമയപരിധി കഴിഞ്ഞതിന് ശേഷമാണ് ഈ കേസ് ഫയല്‍ ചെയ്തത്.