'എണ്ണമറ്റ പോരാട്ടങ്ങൾ. അനന്തമായ പ്രതീക്ഷ': അഞ്ച് വർഷത്തെ കാത്തിരിപ്പിന് ശേഷം റിയ ചക്രവർത്തിക്ക് പാസ്‌പോർട്ട് ലഭിച്ചു

ഡല്‍ഹി: അഞ്ച് വര്‍ഷത്തിന് ശേഷം നടി റിയ ചക്രവര്‍ത്തിക്ക് പാസ്പോര്‍ട്ട് ലഭിച്ചു. സുഹൃത്തും നടനുമായ സുശാന്ത് സിംഗ് രജ്പുത്തിന്റെ മരണവുമായി ബന്ധപ്പെട്ട രേഖകള്‍ തിരികെ നല്‍കാന്‍ ബോംബെ ഹൈക്കോടതി അടുത്തിടെ അവര്‍ക്ക് അനുകൂലമായി വിധി പ്രസ്താവിച്ചു. 

സുശാന്ത് സിംഗ് രജ്പുത്തിന്റെ കേസിലെ അന്വേഷണത്തിന്റെ ഭാഗമായി അവരുടെ പാസ്പോര്‍ട്ട് കണ്ടുകെട്ടിയിരുന്നു. 

തന്റെ പ്രയാസകരമായ സമയങ്ങളെയും 'എണ്ണമറ്റ പോരാട്ടങ്ങളെയും' ഓര്‍ത്തെടുത്ത് റിയ ചക്രവര്‍ത്തി, ഈ സമയത്ത് 'ക്ഷമ' മാത്രമായിരുന്നു തന്റെ ഒരേയൊരു പാസ്പോര്‍ട്ട് എന്ന് പറഞ്ഞു. 

'കഴിഞ്ഞ 5 വര്‍ഷമായി ക്ഷമ മാത്രമായിരുന്നു എന്റെ പാസ്പോര്‍ട്ട്. എണ്ണമറ്റ പോരാട്ടങ്ങള്‍. അനന്തമായ പ്രതീക്ഷ. ഇന്ന്, ഞാന്‍ വീണ്ടും എന്റെ പാസ്പോര്‍ട്ട് കൈയിലെടുത്തു. എന്റെ രണ്ടാം അധ്യായത്തിന് തയ്യാറാണ്! സത്യമേവ ജയതേ' എന്ന അടിക്കുറിപ്പോടെയാണ് അവര്‍ പോസ്റ്റ് ചെയ്തത്.