കുടുംബത്തില്‍ ചോദ്യങ്ങള്‍ ഉന്നയിക്കുന്ന ആളുകളെ പുറത്താക്കുകയും ചെരിപ്പുകൊണ്ട് അടിക്കുകയും ചെയ്യാറുണ്ട്. 'എനിക്കും ഇപ്പോള്‍ കുടുംബമില്ല, തേജസ്വി യാദവ് എന്നെ പുറത്താക്കി. ആര്‍ജെഡി വിട്ടതിന് പിന്നാലെ ആരോപണവുമായി രോഹിണി ആചാര്യ

ഡല്‍ഹി: തന്റെ മൂത്ത സഹോദരന്‍ തേജസ്വി യാദവ് തന്നെ കുടുംബത്തില്‍ നിന്ന് പുറത്താക്കിയെന്ന് ആരോപിച്ച് ലാലു പ്രസാദ് യാദവിന്റെ മകള്‍ രോഹിണി ആചാര്യ രംഗത്ത്. 

2025 ലെ ബീഹാര്‍ നിയമസഭാ തെരഞ്ഞെടുപ്പില്‍ മഹാഗത്ബന്ധന്റെ പരാജയത്തിന് ശേഷം താന്‍ രാഷ്ട്രീയം ഉപേക്ഷിക്കുകയാണെന്നും 'കുടുംബത്തെ ഉപേക്ഷിക്കുകയാണെന്നും' രോഹിണി ആചാര്യ എക്സില്‍ പ്രഖ്യാപിച്ചിരുന്നു. 

വീട്ടില്‍ നിന്ന് ഇറങ്ങിയ ശേഷം പട്‌നയില്‍ മാധ്യമങ്ങളോട് സംസാരിക്കവെ രോഹിണി സഹോദരനെതിരെ രൂക്ഷ വിമര്‍ശനം നടത്തി.

'എനിക്ക് കുടുംബമില്ല. ഇനി നിങ്ങള്‍ക്ക് സഞ്ജയ്, റമീസ്, തേജസ്വി യാദവ് എന്നിവരോട് ഇത് ചോദിക്കാം. തിരഞ്ഞെടുപ്പ് തോല്‍വിയുടെ ഉത്തരവാദിത്തം ഏറ്റെടുക്കാന്‍ ആഗ്രഹിക്കാത്തതിനാലാണ് അവര്‍ എന്നെ കുടുംബത്തില്‍ നിന്ന് പുറത്താക്കിയത്. പാര്‍ട്ടിയെ ഈ അവസ്ഥയിലേക്ക് കൊണ്ടുവന്നത് എന്തുകൊണ്ടാണെന്ന് ലോകവും രാഷ്ട്രവും മുഴുവന്‍ ചോദിക്കുന്നു.'

കുടുംബത്തില്‍ ചോദ്യങ്ങള്‍ ഉന്നയിക്കുന്ന ആളുകളെ പുറത്താക്കുകയും ചെരിപ്പുകൊണ്ട് അടിക്കുകയും ചെയ്യാറുണ്ടെന്ന് അവര്‍ പറഞ്ഞു.

'നിങ്ങള്‍ സഞ്ജയ് യാദവിന്റെയും റമീസിന്റെയും പേര് പറയുമ്പോള്‍, നിങ്ങളെ പുറത്താക്കും, അപകീര്‍ത്തിപ്പെടുത്തും, അധിക്ഷേപിക്കും, വീട്ടില്‍ നിന്ന് പുറത്താക്കും, നിങ്ങളുടെ മേല്‍ ചെരിപ്പുകള്‍ പോലും ഉയര്‍ത്തും,' അവര്‍ കൂട്ടിച്ചേര്‍ത്തു.