'ഞാൻ സന്തോഷവാനാണ്'; ഇന്ത്യയുമായുള്ള ബന്ധം മെച്ചപ്പെടുത്താനുള്ള അഭ്യർത്ഥനയെ പ്രശംസിച്ച് ശശി തരൂർ

ഡല്‍ഹി: ഇന്ത്യ-യുഎസ് ബന്ധം മെച്ചപ്പെടുത്തുന്നതിനായി യുഎസ് നിയമസഭാംഗങ്ങള്‍ സ്വീകരിച്ച മുന്‍കൈയെ പ്രശംസിച്ച് കോണ്‍ഗ്രസ് എംപി ശശി തരൂര്‍. 

'യുഎസ് കോണ്‍ഗ്രസ് അംഗങ്ങള്‍ സ്വീകരിച്ച ഈ നടപടി കാണുന്നതില്‍ എനിക്ക് സന്തോഷമുണ്ട്. ഇന്ത്യന്‍ പ്രവാസികളുടെ നിശബ്ദതയെ ഞാന്‍ ചോദ്യം ചെയ്തപ്പോള്‍, അത്തരമൊരു നിലപാട് സ്വീകരിക്കാന്‍ അവര്‍ അവരുടെ രാഷ്ട്രീയ പ്രതിനിധികളെ സമ്മര്‍ദ്ദത്തിലാക്കുന്നില്ലെന്ന് കാണിക്കുക എന്നതായിരുന്നു എന്റെ ഉദ്ദേശ്യം,' അദ്ദേഹം പറഞ്ഞു.

'പ്രവാസികളില്‍ നിന്നുള്ള സമ്മര്‍ദ്ദത്തോടെയോ അല്ലാതെയോ സ്വാധീനമുള്ള അമേരിക്കന്‍ രാഷ്ട്രീയക്കാര്‍ക്ക് തുറന്നു സംസാരിക്കാന്‍ കഴിയുമെങ്കില്‍, അത് തീര്‍ച്ചയായും യുഎസ് നയത്തെ ബാധിക്കും' എന്ന് ശശി തരൂര്‍ കൂട്ടിച്ചേര്‍ത്തു.