ഹൈദരാബാദിൽ ബസ് സ്കൂട്ടറിൽ ഇടിച്ച് വൃദ്ധ ദമ്പതികൾ മരിച്ചു

ഡല്‍ഹി: ഹൈദരാബാദില്‍ ഒരു ദാരുണമായ റോഡപകടത്തിന്റെ ദൃശ്യങ്ങള്‍ ക്യാമറയില്‍ പതിഞ്ഞു. ഒരു ആര്‍ടിസി ബസ് ഒരു സ്‌കൂട്ടറില്‍ ഇടിച്ച് വൃദ്ധ ദമ്പതികള്‍ സംഭവസ്ഥലത്ത് വെച്ചുതന്നെ മരിച്ചു.

മലക്‌പേട്ട് പ്രദേശത്ത് താമസിക്കുന്ന മകളെ കാണാന്‍ സൂര്യപേട്ടില്‍ നിന്ന് യാത്ര ചെയ്ത തിരുപ്പതി റാവുവും ഭാര്യ വെങ്കടമ്മയുമാണ് മരിച്ചതെന്ന് തിരിച്ചറിഞ്ഞു. മൂസരംബാഗ് ഹൈടെക് ഗാര്‍ഡന് സമീപം ദമ്പതികള്‍ സ്‌കൂട്ടറില്‍ സഞ്ചരിക്കുമ്പോഴാണ് അപകടം നടന്നത്.

ദില്‍സുഖ്നഗര്‍ ഡിപ്പോയില്‍ നിന്നുള്ള ബസ് ഇരുചക്രവാഹനത്തില്‍ ഇടിച്ചതായും ദമ്പതികള്‍ക്ക് മാരകമായി പരിക്കേറ്റതായും സംഭവസ്ഥലത്ത് വെച്ച് തന്നെ ഇരുവരും മരിച്ചതായി ദൃശ്യങ്ങളില്‍ കാണാം.