എഐഎഡിഎംകെ മുന്‍ എംഎല്‍എ കെ എ സെങ്കോട്ടയ്യനും അനുയായികളും ഇനി വിജയ്‌ക്കൊപ്പം. ടിവികെയില്‍ ചേര്‍ന്നു

ചെന്നൈ: അടുത്തിടെ എ.ഐ.എ.ഡി.എം.കെയില്‍ നിന്ന് പുറത്താക്കപ്പെട്ട മുതിര്‍ന്ന രാഷ്ട്രീയക്കാരനും ഒമ്പത് തവണ എം.എല്‍.എയുമായ കെ.എ. സെങ്കോട്ടയ്യന്‍ ഔദ്യോഗികമായി തമിഴഗ വെട്രി കഴകത്തില്‍ (ടി.വി.കെ.) ചേര്‍ന്നു. 

ടിവി.കെ. പ്രസിഡന്റും നടനുമായ വിജയിയുടെ സാന്നിധ്യത്തില്‍ നടന്ന പ്രവേശന ചടങ്ങില്‍ സെങ്കോട്ടയ്യനും അനുയായികളും പുതിയ പാര്‍ട്ടിയില്‍ ഔദ്യോഗികമായി ചേര്‍ന്നു.

പാര്‍ട്ടിയില്‍ നിന്ന് പുറത്താക്കപ്പെട്ട നേതാക്കളുമായി ഇടപഴകുകയും നിലവിലെ നേതൃത്വത്തെ വെല്ലുവിളിക്കുകയും ചെയ്തതിന് എഐഎഡിഎംകെ ജനറല്‍ സെക്രട്ടറി എടപ്പാടി കെ പളനിസ്വാമി കെഎ സെങ്കോട്ടയ്യനെ പുറത്താക്കിയിരുന്നു.

പുറത്താക്കപ്പെട്ട നേതാക്കളെ വീണ്ടും പാര്‍ട്ടിയില്‍ ഉള്‍പ്പെടുത്തണമെന്ന് സെങ്കോട്ടയ്യന്‍ നേരത്തെ വാദിച്ചിരുന്നു.

പാര്‍ട്ടിയുടെ തിരഞ്ഞെടുപ്പ് വിജയത്തിന് അത്തരം ഐക്യം നിര്‍ണായകമാണെന്ന് അദ്ദേഹം വാദിച്ചു. പളനിസ്വാമി നേതൃത്വത്തെ എതിര്‍ക്കുന്ന വിഭാഗങ്ങള്‍ അദ്ദേഹത്തിന്റെ നിലപാടിനെ സ്വാഗതം ചെയ്‌തെങ്കിലും അവിശ്വസ്തതയും പാര്‍ട്ടി അച്ചടക്ക ലംഘനവും ചൂണ്ടിക്കാട്ടി അദ്ദേഹത്തെ പുറത്താക്കുകയായിരുന്നു.