യുപിയിൽ സ്വയം ലിംഗമാറ്റ ശസ്ത്രക്രിയയ്ക്ക് ശ്രമിച്ച് 17കാരന്‍. ശസ്ത്രക്രിയ നടത്തിയത് ഗൂഗിളും യൂട്യൂബും നോക്കി. അനസ്‌തേഷ്യ നല്‍കി സ്വകാര്യ അവയവം മുറിച്ചുമാറ്റിയ വിദ്യാര്‍ഥി ഗുരുതര പരിക്കുകളോടെ ആശുപത്രിയില്‍

പ്രയാ​ഗ്രാജ്: ഉത്തർപ്രദേശിൽ സ്വയം ലിംഗമാറ്റ ശസ്ത്രക്രിയക്ക് ശ്രമിച്ച വിദ്യാര്‍ഥിക്ക് ​ഗുരുതര പരിക്ക്. പ്രയാ​ഗ്രാജിലാണ് സംഭവം.

യു.പി.എസ്.സി പരീക്ഷക്ക് തയ്യാറെടുക്കുന്ന 17കാരനായ വിദ്യാർഥി ഗൂഗിളും യൂട്യൂബും ഉപയോഗിച്ചാണ് സ്വയം ലിംഗമാറ്റം സംബന്ധിച്ച വിവരങ്ങള്‍ പഠിച്ചത്. തുടർന്ന് ഇയാൾ സ്വയം ശസ്ത്രക്രിയ നടത്താൻ ശ്രമിക്കുകയായിരുന്നു.

അനസ്റ്റെഷ്യാ നല്‍കിയ ശേഷം സ്വന്തം സ്വകാര്യ ഭാഗം മുറിച്ചെടുത്തതോടെ ഗുരുതര പരിക്കുകള്‍ ഏൽക്കുകയും ഉടന്‍ ആശുപത്രിയില്‍ പ്രവേശിപ്പിക്കുകയുമായിരുന്നു. 

സംഭവം യുവാക്കളുടെ മാനസികാരോഗ്യ പ്രശ്നങ്ങളുടെ ഗൗരവത്തെ മുന്‍നിര്‍ത്തിയുള്ള സൂചനയാണെന്ന് വിദഗ്ധര്‍ അഭിപ്രായപ്പെടുന്നു. നിലവിൽ യുവാവിന്റെ ആരോ​ഗ്യനില മെച്ചപ്പെട്ടിട്ടുണ്ടെന്ന് ആശുപത്രി അധികൃതര്‍ അറിയിച്ചു.

മാനസികാരോഗ്യ മുന്നറിയിപ്പ്: മാനസികാരോഗ്യ പ്രശ്നങ്ങള്‍ നേരിടുന്നവര്‍ വിദഗ്ധരുടെ സഹായം തേടേണ്ടതാണ്. ഹെല്‍പ്‌ലൈന്‍ നമ്പറുകള്‍: 1056 (ദേശീയം), 0471-2552056 (കേരളം).