ഓപ്പറേഷൻ സിന്ദൂറിനെ കുറിച്ചുള്ള പരാമർശത്തിൽ അറസ്റ്റിലായ ശർമിഷ്ഠ പനോലിക്ക് ഇടക്കാല ജാമ്യം. അന്വേഷണവുമായി സഹകരിക്കണമെന്നും ഇന്ത്യ വിട്ടുപോകരുതെന്നും കോടതി

കൊൽക്കത്ത: വർഗീയ പരാമർശങ്ങൾ അടങ്ങിയ വീഡിയോ പോസ്റ്റ് ചെയ്തതിന് കൊൽക്കത്ത പോലീസ് അടുത്തിടെ അറസ്റ്റ് ചെയ്ത നിയമ വിദ്യാർത്ഥിനിയായ ശർമിഷ്ഠ പനോലിക്ക് കൊൽക്കത്ത ഹൈക്കോടതി ബുധനാഴ്ച ഇടക്കാല ജാമ്യം അനുവദിച്ചു. 10,000 രൂപയുടെ ജാമ്യ ബോണ്ട് കെട്ടിവയ്ക്കാൻ ഹൈക്കോടതി നിർദ്ദേശിച്ചു.

ഓപ്പറേഷന്‍ സിന്ദൂറുമായി ബന്ധപ്പെട്ട് മുസ്ലികള്‍ക്കെതിരായ വിദ്വേഷത്തോടെ വീഡിയോ പോസ്റ്റ് ചെയ്തുവെന്ന് ചൂണ്ടിക്കാട്ടാണ് ബംഗാള്‍ പോലീസ് ശര്‍മിഷ്ഠ പനോളിയെ അറസ്റ്റ് ചെയ്തത്. അടിയന്തര ഇടപെടല്‍ ആവശ്യപ്പെട്ട് സമര്‍പ്പിച്ച ഹര്‍ജിയിലാണ് ഹൈക്കോടതി ഇടക്കാല ജാമ്യം അനുവദിച്ചിരിക്കുന്നത്.

ഗുരുഗ്രാമിൽ നിന്ന് അറസ്റ്റ് ചെയ്യപ്പെട്ട് ജൂൺ 13 വരെ ജുഡീഷ്യൽ കസ്റ്റഡിയിൽ വിട്ട പനോലി, ഓപ്പറേഷൻ സിന്ദൂരിൽ ബോളിവുഡ് നടന്മാരുടെ മൗനത്തെ വിമർശിക്കുന്ന ഒരു വീഡിയോ ഇൻസ്റ്റാഗ്രാമിൽ പോസ്റ്റ് ചെയ്തതിന് ശേഷം വിമർശനങ്ങൾ നേരിടേണ്ടി വന്നു. 

ഈ പോസ്റ്റ് ഓൺലൈനിൽ വലിയ പ്രതിഷേധത്തിന് കാരണമായി, നിരവധി ഉപയോക്താക്കൾ ഭീഷണിപ്പെടുത്തുന്ന അഭിപ്രായങ്ങൾ പോസ്റ്റ് ചെയ്തു. തുടർന്ന് പനോലി വീഡിയോ പിൻവലിക്കുകയും പൊതുമാപ്പ് പറയുകയും ചെയ്തു. 

പിന്നീട് കേസെടുത്ത കൊല്‍ക്കത്ത പോലീസ് ഗുരുഗ്രാമിലെത്തിയാണ് അറസ്റ്റ് ചെയ്തത്. ഹര്‍ജിക്കാരി അന്വേഷണവുമായി സഹകരിക്കണമെന്നും ഇന്ത്യ വിട്ടുപോകരുതെന്നും ഇടക്കാല ജാമ്യം അനുവദിച്ചുകൊണ്ട് കോടതി പറഞ്ഞു. ഇവര്‍ക്ക് മതിയായ പോലീസ് സുരക്ഷ നല്‍കണമെന്നും കോടതി ആവശ്യപ്പെട്ടു.