രാജ്യത്തിന്റെ പല ഭാഗങ്ങളിലും ബീഫ് നിരോധിച്ചിട്ടുണ്ട്. ബീഫ് മാത്രമല്ല, എല്ലാ നോണ്‍-വെജിറ്റേറിയന്‍ ഭക്ഷണവും നിരോധിക്കണമെന്നാണ് എന്റെ അഭിപ്രായം. ഉത്തരാഖണ്ഡിലെ സിവില്‍ കോഡിനെ പ്രശംസിച്ച് ശത്രുഘ്നന്‍ സിന്‍ഹ

ഡല്‍ഹി: ഉത്തരാഖണ്ഡില്‍ ഏകീകൃത സിവില്‍ കോഡ് നടപ്പിലാക്കുന്നതിനെ പ്രശംസിച്ച് മുതിര്‍ന്ന നടനും തൃണമൂല്‍ കോണ്‍ഗ്രസ് എംപിയുമായ ശത്രുഘ്നന്‍ സിന്‍ഹ. രാജ്യവ്യാപകമായി അത്തരമൊരു നിയമം നടപ്പിലാക്കുന്നതിലെ ആവശ്യകതകളും അദ്ദേഹം ചൂണ്ടിക്കാട്ടി.

മാംസാഹാരം നിരോധിക്കുന്നതിനെ പിന്തുണയ്ക്കുന്നുണ്ടെങ്കിലും രാജ്യത്തിന്റെ ചില ഭാഗങ്ങളില്‍ ഇത് നടപ്പിലാക്കുന്നത് ബുദ്ധിമുട്ടാണെന്നും അദ്ദേഹം പറഞ്ഞു

രാജ്യത്തിന്റെ പല ഭാഗങ്ങളിലും ബീഫ് നിരോധിച്ചിട്ടുണ്ട്. രാജ്യത്ത് ബീഫ് മാത്രമല്ല, പൊതുവേ മറ്റ് നോണ്‍-വെജിറ്റേറിയന്‍ ഭക്ഷണവും നിരോധിക്കണമെന്നാണ് എന്റെ അഭിപ്രായം. എന്നാല്‍ വടക്കുകിഴക്കന്‍ സംസ്ഥാനങ്ങള്‍ ഉള്‍പ്പെടെ ചില സ്ഥലങ്ങളില്‍ ഇപ്പോഴും ബീഫ് കഴിക്കുന്നത് നിയമപരമാണ്.

വടക്കുകിഴക്കന്‍ പ്രദേശങ്ങളില്‍ ഇത് കഴിക്കുന്നുവെന്നത് ശരിയാണ്, പക്ഷേ വടക്കേ ഇന്ത്യയില്‍ അല്ലെന്നും അദ്ദേഹം പരിഹസിച്ചു. ഇത് നടക്കാന്‍ പോകുന്നില്ല, ചില ഭാഗങ്ങളില്‍ മാത്രമല്ല, എല്ലായിടത്തും നിരോധനം നടപ്പാക്കണം, സിന്‍ഹ കൂട്ടിച്ചേര്‍ത്തു.

ഉത്തരാഖണ്ഡില്‍ ഏകീകൃത സിവില്‍ കോഡ് നടപ്പിലാക്കിയത് പ്രശംസനീയമാണെന്ന് പറഞ്ഞ സിന്‍ഹ, വിവാഹം, വിവാഹമോചനം, അനന്തരാവകാശം, ദത്തെടുക്കല്‍ തുടങ്ങിയ കാര്യങ്ങളില്‍ എല്ലാ മതവിഭാഗങ്ങള്‍ക്കും ഒരൊറ്റ നിയമം വ്യവസ്ഥ ചെയ്യുന്ന യുസിസിയില്‍ പഴുതുകളുണ്ടെന്നും കൂട്ടിച്ചേര്‍ത്തു

യുസിസി വ്യവസ്ഥകള്‍ തയ്യാറാക്കുന്നതിനുമുമ്പ് ഒരു സര്‍വകക്ഷി യോഗം നടത്തണം. ഈ വിഷയത്തില്‍ എല്ലാവരുടെയും അഭിപ്രായങ്ങളും ചിന്തകളും തേടണം.

യുസിസിയെ ഒരു തിരഞ്ഞെടുപ്പ് തന്ത്രമായോ വോട്ട് ബാങ്ക് തന്ത്രമായോ കാണരുത്, മറിച്ച് ശ്രദ്ധയോടെയും ജാഗ്രതയോടെയും കൈകാര്യം ചെയ്യണമെന്നും അദ്ദേഹം പറഞ്ഞു.