കാർഷിക ഉപകരണങ്ങൾക്ക് ജിഎസ്ടി കുറച്ചതിന്റെ ഗുണങ്ങൾ കർഷകർക്ക് കൈമാറണമെന്ന് ശിവരാജ് സിംഗ് ചൗഹാൻ

ഡല്‍ഹി: സെപ്റ്റംബര്‍ 22 മുതല്‍ ജിഎസ്ടി ഇളവിന്റെ ആനുകൂല്യങ്ങള്‍ കര്‍ഷകര്‍ക്ക് കൈമാറണമെന്ന് കൃഷി മന്ത്രി ശിവരാജ് സിംഗ് ചൗഹാന്‍ ട്രാക്ടര്‍, കാര്‍ഷിക ഉപകരണ നിര്‍മ്മാതാക്കളോട് അഭ്യര്‍ത്ഥിച്ചു.

ഈ നീക്കം വിവിധ ട്രാക്ടര്‍ വിഭാഗങ്ങളുടെ വിലയില്‍ ഗണ്യമായ കുറവുണ്ടാക്കുമെന്ന് അദ്ദേഹം പറഞ്ഞു. ജിഎസ്ടി പരിഷ്‌കരണത്തിന് കീഴില്‍ കാര്‍ഷിക ഉപകരണങ്ങളുടെ നികുതി 12 ശതമാനത്തില്‍ നിന്നും 18 ശതമാനത്തില്‍ നിന്നും 5 ശതമാനമായി കുറച്ചിട്ടുണ്ട് എന്നത് ശ്രദ്ധിക്കേണ്ടതാണ്.

കാര്‍ഷിക ഉപകരണ നിര്‍മ്മാതാക്കളുടെ പ്രതിനിധികളുമായുള്ള കൂടിക്കാഴ്ചയ്ക്ക് ശേഷം മാധ്യമങ്ങളോട് സംസാരിക്കവെ, ജിഎസ്ടിയിലെ കുറവ് രാജ്യത്തുടനീളമുള്ള കസ്റ്റം ഹയറിംഗ് സെന്ററുകളില്‍ കാര്‍ഷിക യന്ത്രങ്ങളുടെ വില കുറയ്ക്കുമെന്നും അതിനനുസരിച്ച് വാടക നിരക്കുകളും കുറയ്ക്കണമെന്നും ശിവരാജ് പറഞ്ഞു. 

'ഞങ്ങള്‍ ഇതില്‍ പ്രവര്‍ത്തിക്കും,' അദ്ദേഹം പറഞ്ഞു. കസ്റ്റം ഹയറിംഗ് സെന്ററുകളുടെ (സിഎച്ച്‌സി) പ്രാഥമിക ലക്ഷ്യം ചെറുകിട, നാമമാത്ര കര്‍ഷകര്‍ക്ക് സബ്‌സിഡി നിരക്കില്‍ കാര്‍ഷിക ഉപകരണങ്ങളും യന്ത്രങ്ങളും വാടകയ്ക്ക് നല്‍കുക എന്നതാണ്.