ദാവൂദ് ഇബ്രാഹിമുമായുള്ള മയക്കുമരുന്ന് കേസിൽ ശ്രദ്ധ കപൂറിന്റെ സഹോദരൻ സിദ്ധാന്ത് കപൂറിന് സമൻസ് അയച്ച് മുംബൈ പോലീസ്

മുംബൈ: മയക്കുമരുന്ന് കേസില്‍ ബോളിവുഡ് നടനും സംവിധായകനുമായ സിദ്ധാന്ത് കപൂറിന് മുംബൈ പോലീസ് സമന്‍സ് അയച്ചു.

നടി ശ്രദ്ധ കപൂറിന്റെ സഹോദരനും ശക്തി കപൂറിന്റെ മകനുമായ സിദ്ധാന്തിനോട് നവംബര്‍ 25 ന് മൊഴി രേഖപ്പെടുത്താന്‍ ഹാജരാകാന്‍ ആവശ്യപ്പെട്ടു. വ്യാഴാഴ്ച ഹാജരാകാതിരുന്നതിനെ തുടര്‍ന്ന്, ഓര്‍ഹാന്‍ അവത്രമണിയെയും നവംബര്‍ 26 ന് വിളിപ്പിച്ചിട്ടുണ്ട്.

252 കോടി രൂപയുടെ മെഫെഡ്രോണ്‍ പിടികൂടിയ കേസിലെ പ്രധാന പ്രതിയായ മുഹമ്മദ് സലിം മുഹമ്മദ് സുഹൈല്‍ ഷെയ്ഖിനെ ചോദ്യം ചെയ്യുന്നതിനിടെ ഇരുവരുടെയും പേരുകള്‍ പുറത്തുവന്നതിനെ തുടര്‍ന്നാണ് ആന്റി നാര്‍ക്കോട്ടിക് സെല്ലിന്റെ ഘാട്കോപ്പര്‍ യൂണിറ്റ് സമന്‍സ് അയച്ചതെന്ന് ഉദ്യോഗസ്ഥര്‍ കൂട്ടിച്ചേര്‍ത്തു.

ഇന്ത്യയിലും വിദേശത്തും ദാവൂദ് ഇബ്രാഹിം സംഘടിപ്പിച്ച റേവ് പാര്‍ട്ടികളില്‍ നിരവധി സിനിമാ, ഫാഷന്‍ വ്യക്തികള്‍, ഒരു രാഷ്ട്രീയക്കാരന്‍, ഒരു ബന്ധു എന്നിവര്‍ പങ്കെടുത്തിട്ടുണ്ടെന്ന് ഷെയ്ഖ് അവകാശപ്പെട്ടിരുന്നു.

മയക്കുമരുന്ന് ഉപയോഗത്തിന് സിദ്ധാന്ത് കപൂറിനെ 2022 ല്‍ ബെംഗളൂരുവില്‍ അറസ്റ്റ് ചെയ്തിരുന്നു.